" ब्रेक अप जीवनाचा "

रोजच वाढत आहे 

आता टेन्शन ।

वाटतं जीवनानेच

घेतली आता पेन्शन ।

मनात येतं वारंवार

शरीर झालं रिटायर्ड ।

झोपायचे सांगा किती

पाठ झाली टायर्ड ।

मधेच वाटतं काही खावं

पोटाला सुटली हाव ।

काम धाम झाले बंद

करायची कशी धावाधाव ।

वाढेल म्हणतात परत 

लॉक डाऊन  आता ।

राहायचे घरातच एकटे

करत मनाशीच बाता ।

जीवनाचा हा ब्रेक अप

जीवनाशीच होतोय ।

मनातले सारे विचार

मनातच आता ठेवतोय ।

Sanjay R.

" लढते घरात नारी "

गरीबाच्या घरी
अठरा विश्व दारिद्र्य
दोन हात करत
लढते घरात नारी ।

मुखकमलावर आनंद

बघाया प्रयत्न तिचे
थांबवते दुःख सारे
दूर अंगणाच्या दारी ।

असेल नसेल जरी
घरात काही ही
संसार नेटका करण्या
चाले प्रयत्न भारी ।

घरात मग नांदे
सुख आणि समाधान
मानून आभार देवाचे
घडवते पंढरीची वारी ।
Sanjay R.

" योग विज्ञान "

घालवायचा जर रोग

तर रोज करा योग ।

करा थोडा व्यायाम

सोबतीला प्राणायाम ।

करा काही आसन

वाढवा थोडे श्वसन ।

योग आहे विज्ञान ।

करा सगळ्यासी सज्ञान ।

मिळवा सुख आनंद

निरोगाचा हाच बंध ।

Sanjay R.

" स्वप्नच आहे आशा "

स्वप्न एक आशा
बघतो एक दिशा
अंतरात उठे नशा
कर्तव्याची भाषा
मावळेल का स्वप्न
आळसाची ही दशा
उठा आणि जागे व्हा

स्वप्नच आहे आशा

Sanjay R.

" सारेच व्यर्थ "

असेल जिथे स्वार्थ

नाही कशालाच अर्थ  ।

जीवनात हवा परमार्थ

अन्यथा सारेच व्यर्थ ।

मोह माया आणि क्रोध 

लक्षणे ही सारी धूर्त ।

बाळगा थोडा सय्यम

जीवन हेच प्रसाद तीर्थ ।

Sanjay R.