स्वप्न एक आशा
बघतो एक दिशा
अंतरात उठे नशा
कर्तव्याची भाषा
मावळेल का स्वप्न
आळसाची ही दशा
उठा आणि जागे व्हा
स्वप्नच आहे आशा
Sanjay R.
Monday, April 6, 2020
" स्वप्नच आहे आशा "
Sunday, April 5, 2020
" सारेच व्यर्थ "
असेल जिथे स्वार्थ
नाही कशालाच अर्थ ।
जीवनात हवा परमार्थ
अन्यथा सारेच व्यर्थ ।
मोह माया आणि क्रोध
लक्षणे ही सारी धूर्त ।
बाळगा थोडा सय्यम
जीवन हेच प्रसाद तीर्थ ।
Sanjay R.
Saturday, April 4, 2020
" क्षण हातातून निसटत आहेत "
जीवन हे संकटांचा सागर
अहोरात्र चाले कष्टाचा जागर ।
घ्यायचा साऱ्यांनाच इथे आनंद
पण हाती आहे फुटकी घागर ।
अशांत हे बघा जीवन किती
शोधतो शांती नगर नगर ।
जग हे इथले विशाल किती
चहूकडे दुःखाचा पसरला सागर ।
घेतो भरून ओंजळीत आता
सुख अंतरात लागे त्यावर नजर ।
क्षण हातातून निसटत आहेत
जीवना थांब थोडा मी आहे हजर ।
Sanjay R.
Friday, April 3, 2020
Thursday, April 2, 2020
" कोण काय कोणासाठी "
फरक हा विचारांचा
कोण काय कोणासाठी ।
सेवेचे व्रत आहे ज्यांचे
जगतात ते दुसऱ्यांसाठी ।
नाही चिंता स्वतःचीही
जगणे मरणे परिपकारासाठी ।
धडपड कुणाची कुणासाठी
कर्तव्यच श्रेष्ठ त्यांचे साठी ।
जीवनाची करतो चिंता
काळजी त्याची पोटासाठी ।
हात शोधतात काम कुणाचे
बसला घरात जगण्यासाठी ।
आहे असाही इथे कोणी
जीवनच शून्य त्यांच्यासाठी ।
Sanjay R.
Subscribe to:
Comments (Atom)