" अनमोल वेळ "

जीवन हा नाही खेळ

अनमोल असे यात वेळ 

काढून सवड बसवा मेळ 

लाभतो मग आनंद निर्भेळ 

Sanjay R.

" कोण काय कोणासाठी "

फरक हा विचारांचा
कोण काय कोणासाठी ।

सेवेचे व्रत आहे ज्यांचे
जगतात ते दुसऱ्यांसाठी ।

नाही चिंता स्वतःचीही
जगणे मरणे परिपकारासाठी ।

धडपड कुणाची कुणासाठी
कर्तव्यच श्रेष्ठ त्यांचे साठी ।

जीवनाची करतो चिंता
काळजी त्याची पोटासाठी ।

हात शोधतात काम कुणाचे
बसला घरात जगण्यासाठी ।

आहे असाही इथे कोणी
जीवनच शून्य त्यांच्यासाठी ।
Sanjay R.

" विचार "

विचारांना कुठे आहे औषध

विध्वंस जर असेल डोक्यात ।

डुबतात घेऊन जग ते  सारे

ओळखा जरा राहू नका धोक्यात ।

Sanjay R.

 

" काळजी तुझी कुणाला "

चिंता सांग तुझी कुणाला
लहान तू रे असताना
चिंता आई बापाला ।

विवाहित होताच तू
काळजी तुझी पत्नीला

धागा आयुष्याचा बांधलेला ।

होतोस तू बाप जेव्हा
असते काळजी लेकरांना
तुही त्यांच्याशी जुळलेला ।

समाजाशी तुझे देणे घेणे
आठवतो तू ज्यांना ज्यांना
असते तुझी काळजी त्यांना ।

नाती गोती ही जवळची
करतात तेही काळजी तुझी
विचार थोडे तू मनाला ।

घे थोडी काळजी तुही
जीव लाव तू जीवाला
लाभेल अर्थ या जीवनाला ।
Sanjay R.

" जीव जगण्यावर जडला "

जीव जगण्यावर जडला
वाटते भीती मरणाची ।
पेटली आग या अंतरात
लागली रास सरणाची ।
डोक्यात वादळ विचारांचे
मीमांसा करतो कारणांची ।
सुख दुःख भाग जीवनाचे
ओढ अजूनही जगण्याची ।
Sanjay R.