" अगं ये आजी "

अग ये आजी
आवडती तू ग माझी ।

करमत नाही तुझ्याविना
लाडकी किती मी तुझी ।

रागावते ना आई जेव्हा
आठवण येते ग तुझी ।

घेऊन कुशीत तुझ्या
पुसतेस आसवं माझी ।

पुरवतेस लाड माझे

प्रेमळ किती तू आजी ।

जायचं नाही सोडून कधी
आहेस सावली तू माझी ।
Sanjay R.

" अंतरातला आवाज "

हाक देतो अंतरातला आवाज
सांगतो तोच धोक्याचा अंदाज ।
ओळखुन सजवा जीवनाचा साज
सुखी जीवनाचे आहे हेच राज ।
Sanjay R.

" घरीच थोडे थांबा "

निघू नका बाहेर
घरीच थोडे थांबा ।
कोरोना आला घरात
तर होईल तितम्बा ।

कोरोना आहे महामारी
ओळखा हे संकट ।
पाळले नाही नियम तर
जीवच येईल आंगलट ।

मी जगतो , तुम्हीही जगा
थोडे दिवस घरात बसा ।
आपोआप जाईल कोरोना
घरच्यांसोबत थोडे हसा ।

खूप उधळला पैसा
आता जरा शांत राहा ।
जिवापुढे सारे शून्य
काळजीने आता घर पहा ।
Sanjay R.

" जीवनात चाले पळापळ "

चाले जीवनात पळापळ
होते नुसती धावपळ ।
डोंगर कामाचा घेऊन
रोजचीच होते सकाळ ।
खिशाला ही असतो
नेहमीच पैशाचा दुष्काळ ।
हसतो फुलतो थोडासा
जेव्हा येते आभाळ ।
भुकेला असतो नेहमीच
कोरभर भाकरीचा जाळ ।
येईल जेव्हा पैसा तेव्हा
होतो साजरा सण दिवाळ ।
Sanjay R.

" संस्कृती भारताची "

सर्वस्वाने नटलेली

पूर्णत्वाने रुजलेली

आमची ही संस्कृती ।

विज्ञान  तंत्रज्ञान 

होते प्रगत इथेच ।

भाषा आणि विचारांचा

संगम सुरेख इथेच ।

कला आणि शिल्प

त्यात दिसे संकल्प ।

खाणे पिणे राहणे सारे

लोक वाटतात प्रगल्भ ।

इतिहास भूगोल अर्थशास्त्र

डंका होता सर्वत्र ।

त्याच वाटांवर उभे आम्ही

करू जतन अहोरात्र ।

Sanjay R.