" ओळख "

तुझ्याच हाती तुझी ओळख

सरत आहे आता काळोख ।

हो खंबीर , धीर नको सोडू 

अत्याचाऱ्यास दाखव तुझा धाक ।

जननी तूच ग या जीवनाची

अपराध्याची होऊ दे राख ।

Sanjay R.

" प्रेम बहिणींचे दृढ "

बहिणींच प्रेम
असते किती दृढ ।
नसते त्यात हो
कुठलेच गूढ ।
भावांच्या प्रेमाला
लागतो मूड ।
काही नाती तर
असतात फक्त सूड ।
आशय त्यांचा असतो
भुर्रकन रे तू उड  ।
डोक्याला भार
अंतरात तुड तुड ।
पाण्यातला बुडबुडा
खोलात जाऊन बुड ।
Sanjay R.

" तुझा तोच चेहरा "

आठवतो अजूनही 

तुझा तोच चेहरा ।

सांग बदलू कशा मी 

अंतरातल्या मोहरा ।

नजरेतला तो भाव

आणि रुबाबदार तोरा ।

रंग असेल सावळाच

पण वाटायचा गोरा ।

शब्दही आठवतात

हृदयाच्या चोरा ।

बांधायचं होत मला

पण हरवला तो दोरा ।

Sanjay R.

" कोरोना "

जिकडे तिकडे एकच रोना

आला आला कोरोना ।

काळजी आपली स्वतः घ्या

बाहेरून येताच हात धुवाना ।

कुणिहो भेटो करा नमस्कार

एक मीटर दुरूनच बोलाना ।

प्रवास सोडा गर्दी टाळा

एकांतात एकटे घरी बसाना ।

जेवण खाणे साधेच घ्या

प्रतिकार क्षमता थोडी जपाना   ।

सर्दी खोकला असेल थोडा

घेऊन औषध बरे व्हावा ना ।

घाबरू नका घाबरवू नका

जाईल दूर बघा करोना ।

Sanjay R.

" परंपरेत बांधलेलो आम्ही "

परंपरेत बांधलेलो आम्ही
चाकोरीत त्या जगायचे ।
नियम केलेत समाजाने
त्यांनाही आपण पाळायचे ।

विचारांना कुठे कशाच्या मर्यादा
नियमात म्हणून वागायचे ।
आचार विचार समाजनुरूप
ठेऊन आपण राहायचे ।

परंपराही काही भोळ्या
त्यांना आपण सोडायचे ।
चांगले ते घेऊन सारे
दुःखाला दूर सारायचे ।
Sanjay R.