" जगतो एक स्वप्न "

प्रत्येकाच्या मनात
असते एक स्वप्न ।
गाव असो वा शहर
चाले स्वप्नात जगणं ।
पोटासाठी चाले कष्ट
कष्टामध्ये तो मग्न ।
पाठ टेकवताच रात्री
आठवतात सारे विघ्न ।
निघून त्यातून मग
बघतो बंद डोळ्यात स्वप्न ।
हवं तसं अनुभवतो मग
तेच त्याच खरं जगणं ।
Sanjay R.

" जय गजानन "

ठेऊन मनात भाव
स्मरण तुमचे करावे ।
पूर्ण होती कामना
सारेच गजानना ठावे ।
शेगावी जाऊन एकदा
दर्शन माऊलीचे घ्यावे ।
प्रसाद झुणका भाकर
घ्यावा तो मनोभावे
श्रद्धा भक्तीचा सागर
जीवन धन्य ते करावे ।
Sanjay R.

" मार्ग आता मरणाचा "

केला एकाने घात
कोरोनाने पसरले हात
पसरली वाऱ्यासंगे साथ
लागली जीवनाची वाताहात ।

सांगा गुन्हा कुणाचा
मृत्यूपूढे नाही वेळ क्षणाचा
मोडला खेळ कसा जीवनाचा
उरला मार्ग फक्त आता मरणाचा ।
Sanjay R.

" एक विचार "

प्रेम आहे जीवनाचा आधार
सहज होतो कितीही भार ।
येती मनात अगणित विचार
आनंद उत्साह होई आचार ।
मग येई सोबतीला सुखाचार
दुःख सारे होतील लाचार ।
Sanjay R.

" चला करू या समाजसेवा "

करायची कुणाला हो
सांगा ती समाज सेवा ।
नाव मोठे करून
खायचा आहे गोड मेवा ।
जगो मरो कोणी कसा
तूच पहा रे तुझे देवा ।
सेल्फी मला काढू दे
बघणाऱ्याला वाटेल हेवा ।
अस्तित्व माझे कळू दे
होईल प्रसिद्ध मी तेव्हा ।
होईल मोठी कमाई माझी
करील नाटक मी जेव्हा ।
हेच आहे मनात माझ्या
चला करू या समाज सेवा ।
Sanjay R.