केला एकाने घात
कोरोनाने पसरले हात
पसरली वाऱ्यासंगे साथ
लागली जीवनाची वाताहात ।
सांगा गुन्हा कुणाचा
मृत्यूपूढे नाही वेळ क्षणाचा
मोडला खेळ कसा जीवनाचा
उरला मार्ग फक्त आता मरणाचा ।
Sanjay R.
प्रेम आहे जीवनाचा आधार
सहज होतो कितीही भार ।
येती मनात अगणित विचार
आनंद उत्साह होई आचार ।
मग येई सोबतीला सुखाचार
दुःख सारे होतील लाचार ।
Sanjay R.
करायची कुणाला हो
सांगा ती समाज सेवा ।
नाव मोठे करून
खायचा आहे गोड मेवा ।
जगो मरो कोणी कसा
तूच पहा रे तुझे देवा ।
सेल्फी मला काढू दे
बघणाऱ्याला वाटेल हेवा ।
अस्तित्व माझे कळू दे
होईल प्रसिद्ध मी तेव्हा ।
होईल मोठी कमाई माझी
करील नाटक मी जेव्हा ।
हेच आहे मनात माझ्या
चला करू या समाज सेवा ।
Sanjay R.
काय किती प्रकार
या व्हॅलेंटाईन चे ।
कुणास ठाव हे
प्रेमाचे की मस्तीचे ।
हवेत कशाला दिवस
दिवस सारेच प्रेमाचे ।
व्यक्त करायला मन
इतके कशाला थांबायचे ।
वाटत कधी की हे प्रकार
श्रीमंतांच्या वस्तीचे ।
गरीबाच्या घरी तर
विसर्जन होते अस्थीचे ।
Sanjay R.
