" एक विचार "

प्रेम आहे जीवनाचा आधार
सहज होतो कितीही भार ।
येती मनात अगणित विचार
आनंद उत्साह होई आचार ।
मग येई सोबतीला सुखाचार
दुःख सारे होतील लाचार ।
Sanjay R.

" चला करू या समाजसेवा "

करायची कुणाला हो
सांगा ती समाज सेवा ।
नाव मोठे करून
खायचा आहे गोड मेवा ।
जगो मरो कोणी कसा
तूच पहा रे तुझे देवा ।
सेल्फी मला काढू दे
बघणाऱ्याला वाटेल हेवा ।
अस्तित्व माझे कळू दे
होईल प्रसिद्ध मी तेव्हा ।
होईल मोठी कमाई माझी
करील नाटक मी जेव्हा ।
हेच आहे मनात माझ्या
चला करू या समाज सेवा ।
Sanjay R.

" दिवस सारेच प्रेमाचे "

काय किती प्रकार
या व्हॅलेंटाईन चे ।
कुणास ठाव हे
प्रेमाचे की मस्तीचे ।

हवेत कशाला दिवस
दिवस सारेच प्रेमाचे ।
व्यक्त करायला मन
इतके कशाला थांबायचे ।

वाटत कधी की हे प्रकार
श्रीमंतांच्या वस्तीचे ।
गरीबाच्या घरी तर
विसर्जन होते अस्थीचे ।
Sanjay R.

" तू येशील का "

मनातली मलिका ग तू
मनात माझ्या विसावशील का ।
मन घेईल झोके सुखाचे
मिठीत माझ्या तू येशील का ।

डोळ्यांना माझ्या तुझीच प्रतीक्षा
तृप्त नेत्राना तू करशील का ।
भेटावयाची आस ग माझी
मिठीत माझ्या तू येशील का ।

काळे मोकळे केस तुझे ग
हळूच बटांना सारशील का ।
होतील उष्ण श्वास माझे
मिठीत माझ्या तू येशील का ।

साद माझ्या या हृदयातली
सांग तुला ग कळली का ।
धडधड होते उरात माझ्या
सांग मिठीत तू येशील का ।

चल जाऊ या दूर गगनात
सोबत तिथे तू चलशील का
स्वप्न कराया पूर्ण एकदा
मिठीत माझ्या तू येशील का ।
Sanjay R.

" जाग माणसा जाग "

जाग माणसा जाग
किती तुझा राग ।

अंतरात तुझ्या आग
विवेक थोडा माग ।

सय्यमाने रे वाग
माणुसकीला लाग ।

सोड वासनेचा माग
नको लावूस रे डाग ।

जाग माणसा जाग
प्रेम आयुष्याचा भाग ।
Sanjay R.