" दिवस सारेच प्रेमाचे "

काय किती प्रकार
या व्हॅलेंटाईन चे ।
कुणास ठाव हे
प्रेमाचे की मस्तीचे ।

हवेत कशाला दिवस
दिवस सारेच प्रेमाचे ।
व्यक्त करायला मन
इतके कशाला थांबायचे ।

वाटत कधी की हे प्रकार
श्रीमंतांच्या वस्तीचे ।
गरीबाच्या घरी तर
विसर्जन होते अस्थीचे ।
Sanjay R.

" तू येशील का "

मनातली मलिका ग तू
मनात माझ्या विसावशील का ।
मन घेईल झोके सुखाचे
मिठीत माझ्या तू येशील का ।

डोळ्यांना माझ्या तुझीच प्रतीक्षा
तृप्त नेत्राना तू करशील का ।
भेटावयाची आस ग माझी
मिठीत माझ्या तू येशील का ।

काळे मोकळे केस तुझे ग
हळूच बटांना सारशील का ।
होतील उष्ण श्वास माझे
मिठीत माझ्या तू येशील का ।

साद माझ्या या हृदयातली
सांग तुला ग कळली का ।
धडधड होते उरात माझ्या
सांग मिठीत तू येशील का ।

चल जाऊ या दूर गगनात
सोबत तिथे तू चलशील का
स्वप्न कराया पूर्ण एकदा
मिठीत माझ्या तू येशील का ।
Sanjay R.

" जाग माणसा जाग "

जाग माणसा जाग
किती तुझा राग ।

अंतरात तुझ्या आग
विवेक थोडा माग ।

सय्यमाने रे वाग
माणुसकीला लाग ।

सोड वासनेचा माग
नको लावूस रे डाग ।

जाग माणसा जाग
प्रेम आयुष्याचा भाग ।
Sanjay R.

" राधेचा रे तू कृष्ण "

सांग रे कान्हा तुज
काय तुला मी म्हणू ।
गोपाळ तुज मी म्हणू
की रे मनमोहन म्हणू ।
देवकीचा रे पुत्र तू की
यशोदेचा लाल मी म्हणू ।
सुदामाचा रे मित्र तू की
अर्जुनाचा सारथी म्हणू ।
गोपिकांचा रे तू प्रियवर
की राधेचा रे प्राण म्हणू ।
रे कन्हैय्या बसरीवाला तू
तूच राधा कृष्ण मी म्हणू ।
प्राणेश्वर तू सरवात्मा तू
चित्तयोगी परमात्मा म्हणू ।
Sanjay R.

" काय तुझा गुन्हा "

काय तुझा गुन्हा
दिसणार नाहीस पुन्हा
पेटवून गेला तो
हैवान आहे जुना ।

हो अंबा तू आहेस दुर्गा
राहू नकोस अशी शांत ।
मालवून जळती ज्योत
होऊ नकोस निवांत ।

ओठातली हाक तुझ्या
पडू दे सगळ्यांच्या कानात ।
पेटून उठू दे ज्वाळा आता
ठेव निखारे अंतरात ।

दे वाट त्या वेदनांना
घे टेम्भा एक हातात ।
टाक सम्पवून दुष्ट सारे
नको नावनिशान आसमंतात ।
Sanjay R.