ये ग चिऊ ये रे काऊ
या ना थोडे सोबत गाऊ ।
झाड पडले जंगल सरले
प्रश्न तुमचा आता कुठे राहू ।
गेलात सोडून सारे तूम्ही
सांगा तुम्हास कुठे पाहू ।
बालपणातले सोबती तुम्ही
शोध तुमचा कुठे घेऊ ।
लावले अंगणात झाड मी
तिथेच आता आपण राहू ।
सांगतो मी तुम्हास आता
नका नका रे कुठेच जाऊ ।
चला आता घरी जाऊ ।।
Sanjay R.
कधीतरी होईल बरे
विचारात जगतो या ।
झर झर जातात दिवस
भविष्याची मोह माया ।
उलगडता भूत काळ
वाटे दिवस गेले वाया ।
पण असतो तोच मजबूत
आज आणि उद्याचा पाया ।
चिंता किती भविष्याची
सारतो दूर सुखाची छाया ।
नकळत मग संपते सारे
कुठे उरते मग मागे काया ।
Sanjay R.
माणसाचे हो वर्ग किती
न कळणारी ही रीती ।
पैश्यानी तोलायचे
एवढंच आपल्या हाती ।
उच्च आणि मध्यम बघा
समावल्या यात किती जाती ।
खलच्याला हो वरच्यांची
नेहमीच असते भीती ।
मिटत आहेत आता
जुन्या जाती आणि पाती ।
नवीन वर्ग होतोय बघा
त्यात गरिबी आणि श्रीमंती ।
मरतो माणूस गरिबीने
श्रीमंतांना माज अती ।
वाटोळं होईल सारच आता
काय ही माणसाची गती ।
Sanjay R.
पावसाचे झाले आता
थंडीचा कहर ।
सगळं अंग हलते
होते कशी थर थर ।
सायंकाळी बघा
रिकामेच दिसते शहर ।
प्रेमाची ऊब देणारं
भरलेलं असते घर ।
Sanjay R.
देवांचा देव महादेव
नाही मी कुणी देव ।
मी तर साधा माणूस
मला दुराचाराचे भेव ।
विचारांपासून देवा अशा
दूरच मला रे ठेव ।
सद्विवेक सदाचारी जो
आहे तोच माझा देव ।
सुखी समाधानी आनंदी
सगळ्यांना देवा तू ठेव ।
Sanjay R.
