" दूर नको जाऊस "

थांब ना ग सखे
नको दूर जाऊस ।

आभाळ आले भरून
येईल आता पाऊस ।

रस्ता हा वेडा वाकडा
नको ना तू धाऊस ।

सुटला वारा थंड
किती तुला हाउस ।

घे विसावा थोडा
दूर नको जाऊस

बसून बोल ना थोडं
एकटीच नको गाऊस ।

साथ हवी शब्दांची
वाट नको पाहुस ।
Sanjay R.

" विसर्जन "

गणेशराव निघणार ना आता
झालेत दहा दिवस ।
इतकाच होता का हो आमचा
तुमच्या करिता नवस ।

किती छान गेलेत दिवस
आरती आणि प्रसदात ।
करमणार नाही हो मुळीच
तुमच्या विना या घरात ।

भाव भक्ती आनंद उत्साह
भरभरून दिला तुम्ही ।
म्हणून तर बाप्पा बाप्पा करतोय ना
इथे सारे आम्ही ।
Sanjay R.

" वाट काळजाची "

वाट या काळजाची
कशी कुठून कुठे जाते ।

येऊन तो हळूच वारा
जोरात मग हलवून जाते ।

आठवणी दडून त्यात
मनही कसे विसरून जाते ।

स्पर्श थोडा होताच मनाचा
आठवण उफाळून येते ।

मन होते उदास थोडे
आठवणींची आठवण होते ।
Sanjay R.

" मौन तुझे निरंकाळ "

कविता तुझ्या मौनाची
कथा ही जीवनाची ।

मौन तुझे निरंकाळ
शब्दांचा झाला दुष्काळ ।

नजरेला नजर नाही
कानावरती गजर नाही ।

आकाशाचे आभाळ झाले
ढगांमधून थेंब आले ।

सरसर सरसर ओले ओले
भिजून सारे चिंब झाले ।
Sanjay R.

" बाप्पा निघाले परतीला "

बाप्पा निघाले परतीला
चला जाऊ या आरतीला ।

दिवस दहा आम्ही केली सेवा
आनंदाचा तुम्ही दिला मेवा ।

भाव भक्तीचा मनात भरला
राग द्वेष आता नाही उरला ।

प्रसाद मोदक प्रकार किती
उत्साहाच्या पेटल्या वाती ।

करू चला हो जयघोष आता
आरती गणेशाची गाता गाता ।

गणपती बाप्पा मोरया
पुढच्या वर्षी लवकर या ।
Sanjay R.