Saturday, May 11, 2019

" घे बाबू ईळा "

भारी लय झाला हो
अमदाचा ह्या उन्हाळा ।

येईन आता  डौलन
ऋतू पावसाळा ।

शेतकरी शोधन मंग
आकाशात ढग काळा ।

तयार हाये जमीन
आता बियानाचा घोळा ।

पैसा अडका सरला
शोधा सावकाराचा खळा ।

पीक न्हाई झालं तं मंग
झाडाले लटकवाचा गळा ।

चाल बाबू कहाड आता
सरण तोडले इळा ।
Sanjay R.

" मोठ्ठा घोय "

दिस हाये उन्हायाचे
पाहून बापू जेव ।
नाईतन मग तुले
दिशीन सारे देव ।

घोयंच्या भाजीनं
केला मोठ्ठा घोय ।
सकाय झाली बेकार
अंदर कोन होय ।

लय झाले गा येले
गेला सगळा चेव ।
डाकटरनं बी लुटलं
वाटते आता भेव ।
Sanjay R.

" सूर '

तू तिथे दू...र
मी इथे आतुर ।
छेड ना बासरी
दे मजला सूर ।
अंतरातलं माझ्या
संपू दे काहूर ।
Sanjay R.

Friday, May 10, 2019

" काय माझा कसूर"

तुझ्या भेटी साठी
मीही आहे आतुर ।
सांग ना वेळेला थोडं
होऊ नको म्हणा फितूर ।

मन थोडं हळवं माझं
भटकत असतं दूर दूर ।
तुझीच त्यास प्रतीक्षा
लावतं मलाच हूर हूर ।

कधी उठे पेटून मग
होई काळा काळा धूर ।
ठेच लागता छोटीशी
डोळ्यातून वाहे पूर ।

चाहूल तुझी मग लागता
गावसतो त्यासी सूर  ।
विसावते तुझ्यात मग
सांग काय माझा कसूर ।
Sanjay R.

Thursday, May 9, 2019

" असणं नसणं "

गोड तुझं हसणं
हळूच थोडं लाजण ।
मनाचा माझ्या ग
ठाव घेते तुझं बघणं ।
हवं हवसं वाटत मला
जवळ तुझं असणं ।
हुरहूर लावते मनाला
तुझं सोबत नसणं ।
Sanjay R.