" चांदणी दूर आकाशात "

तू आणि मी बस दोघंच
आला विचार सहजच ।

चांदणी दूर आकाशात
वेड लाविते मनात ।

बघायचं तुझ्या डोळ्यात
हसायचं थोडं गालात ।

ये ना सखे जवळ ये
दे हात माझ्या हातात ।
Sanjay R.

" तिरंगा "

तीन रंगांचा तिरंगा
मधे अशोक चक्र
डोळेच राहणार नाही
टाकाल नजर वक्र
Sanjay R.

" हवा झाली बेधुंद "

गुलाब तू मोगरा तू
चाहुकडेची आनंद ।
फुलली तू हसली तू
हवाही झाली बेधुंद ।

शिरलीस तू श्वासात जेव्हा
चढली नशा मंद मंद ।
मोहरले कण कण सारे
संग तुझ्या मी बेधुंद ।

मिठीत माझ्या येताच तू
तुटून गेले सारे बंध ।
गळून पडल्या पाकळ्या परी
भरला मनात सुगंध ।
Sanjay R.

" बालपण परत मिळावं "

खरंच वयानं थोडं थांबावं
परतून बालपण एकदा मिळावं ।

स्वप्नांनी थोडं मनाला छळावं
अंतराला थोडं सुख कळावं  ।

आयुष्यानंही छान आनंदानं
परत परत मस्त जगून घ्यावं ।

दिवस संपले कि मग
शांत चित्तानं परत जावं ।

खरंच वयानं थोडं थांबावं
परतून बालपण एकदा मिळावं ।
Sanjay R.

" ही वाट दूर जाते "

दूर जायचे कुठे
ही वाट दूर जाते ।

एकटे चालतांना
मनी आठवण येते ।

ठाव मजसी आहे
वाट कोण पहाते ।

अर्धांगिनी घरी ती
अतूट तीचे नाते ।

लेकरं छोटी छोटी
आस कुणास शोधते ।

वाटेवरती डोळे सारे
अंतरात ही वाट जाते ।

दार घराचे तुझ्यारे
वाट तिथेच जाते ।
Sanjay R.