" रुख रुख "

नांदतात इथे
सुख आणी दुख l
आगळे वेगळे
दोघांचेही मुख l
प्रसन्न हसरा
एकाचा लुक l
बघुन दुसर्यास
वाटे रुखरुख l
Sanjay R.

"रावण दहन "

गरीब बिच्चारा रावण
जळायला झाला तय्यार
ईतिहासाची फळं भोगतो
बदललेत आता आचार
माणसं झालेत रावण आता
पुरूषोत्तमचाही आला नकार
सीता माता उरली कुठे
पसरला चोहिकडे फक्त विकार
दशासनाचे दहाच अवगुण
माणसात आले सारेच प्रकार
राक्षस हरला देव सरला
पृथ्वीतलावर नुसता विखार
Sanjay R.

" अंतरंग "

नदिच्या काठावर
प्रवाहाच्या लाटेवर
हळुच उठनारे तरंग
अस्वस्थ हे अंतरंग
दूर तो पैलतीर
वाहता वारा अधीर
शुन्न्यात नजर
रीती घागर
डबडबले डोळे
पाण्यात पाणी मीळे
Sanjay R.

रेशीम गाठी

तु माझ्यासाठी
मी तुझ्यासाठी
जीवनाच्या या
रेशीम गाठी .
संसार आपुला
आपल्या पाठी
चालेल पुढे येइस्तो
हातात काठी.
Sanjay R

" जीवन सागराच्या लाटा "

जीवन जशा
सागराच्या लाटा
एकमेकात गुंफलेल्या
रंगीबेरंगी छटा
कधी वळणा
वळणाच्या वाटा
कधी सरसरुन
यावा अंगावर काटा
कधी हसरा मुखवटा
तर कधी आसवांच्या लाटा
Sanjay R.