" जायचे आहे अंती "

घेउ नकोस विश्रांती
सुरु असु दे भ्रमंती ।
थांबला तो संपला 
श्रमा शिवाय कुठे शांती ।
उरेल कोण इथे
जायचे तर आहेच अंती ।
Sanjay R.

" थेंब पाण्याचा "

आहेना हेच खरे
पळसाला पाने तीन ।
सुर्य लागला तापायला
येयील जरासा शीण ।

राना वनात फुलला पळस
उधळला रंग लाल ।
पशु पक्षी माणसं सारी
होतील पाण्याविना बेहाल ।

ढग काळा शोधण्यासाठी
नजरा उठतील आकाशी ।
वाचवुन थेंब पाण्याचा
भागवायची तहान जराशी ।
Sanjay R.

" मोगर्याची कळी "

मोगर्याची कळी
गालावर खळी ।
मनात माझ्या
सोनेरी साखळी ।
ठेवली मी तुज
अंतरात स्थळी ।
आठवण तुझी मज
क्षणोक्षणी छळी ।
Sanjay R.

" कृष्ण सावळा "

रंग तुझा गोरा
मी असा काळा
तु माझी राधा
मी कृष्ण सावळा ।

हसणं आणी मुरडणं
आवडतात तुझ्या अदा ।
गुंतलय मन तुझ्यात
झालो मी फिदा ।

नको अशी रागाउस
नको दुर जाउस ।
श्वासातही तुच माझ्या
नको अंत पाहुस ।
Sanjay R.

" पारा "

नेहमीच असतो तुझ्या
का नाकावर राग ।
सदान कदा चिड चिड
थोडी हसायला लाग ।

हसते जेव्हा तु
खरच छान दिसतेस ।
नकऴत मग तु
मनात जाउन बसतेस ।

उन्हाळा येतोय आता
असु दे खाली पारा ।
मध्यान्ह रात्री रोज
चमकु दे तारा ।
Sanjay R.