" डे बाय डे "

डे बाय डे
दिवस चालले ।
हळवे मन
अंतरात हलले ।
क्षण दुःखाचे
बहुत झेलले ।
भिर भिर डोळे
तेही हरले ।
आनंद क्षणीक
सारेच सरले ।
Sanjay R.

प्रेमाचा धावा
जसा अंतरात
वाजे पावा ।
मोहक फुलांचा
सुगंधी दावा ।
Sanjay R.

" रोज डे '

अंथरले वाटेवर
गलाबाचे सडे ।
दिवस आजचा
रोज डे ।
रोज का नसतो
असाच डे ।
टोचले नसते मग
पायास खडे ।
पडले नसते
ह्रुदयास तडे ।
हॅप्पी रोज डे
हॅप्पी रोज डे ।
Sanjay R.

" पपी लाडाचा "

लेकीला माझ्या
पिल्लाचं वेड ।
ए बी सी डी टु
एक्स वाय झेड ।

दिवसभर असते
पपीच्या मागे ।
निरागस मनाचे
अतुट धागे ।

दुधातले दुध आणी
पोळीतली पोळी ।
सारखेच तिच्या
भरवते  वेळी ।

दुपारची मस्ती
पपीला पांघरुण ।
शाळेला जाते
काळजीचे सांगुण ।

झोपेतही विचारते
झोपला का पपी ।
हो कळताच ती
होते हॅप्पी

दिवस उजाडताच
पपीची आठवण ।
बघतो वाट
तिचीच तो पण ।

छोटी छोटी मनं
आणी प्रेमाचे क्षण ।
असाच घडावा
प्रत्येक जण ।
Sanjay R.

" जिव झुलला "

मोगरा फुलला
केसात खुलला ।
सुगंधात कसा
जिव झुलला ।
आठवणींच्या चक्रात
सर्वस्व भुलला ।
कल्पनेत मग
थोडा हसला ।
नजर भिर भिर
थोडा रुसला ।
लटका राग
नाकावर दिसला ।
लाली गालावर
बघुन फसला ।
भाव डोळ्यातला
मनात ठसला ।
ह्रुदयात जागा
देउन बसला ।
Sanjay R.

" थोडच रुसायचं "

थोडं थोडं रुसायचं
आणी गोड हसायचं ।
हळव्या मनाला मात्र
खुप खुप जपायचं ।
जिवन आहे अनमोल
आनंदात छान जगायचं ।
दुःख असतात क्षणीक
दुर त्यांना सारायचं ।
सुख दुःख सखे सोबती
सोबत त्यांच्या चालायचं ।
Sanjay R.