डोळ्यांत चमक भावनांची
आणि हास्याची लकीर गाली ।
अवतरले शब्द झर झर
बघ कशी ही कविता झाली ।
माझ्या निराकार मनात आज
आठवणींनी किती गर्दी केली ।
अवती भवती दारवळला सुगंध
गुंतल्या मोगऱ्यात बेधुंद वेली ।
डोकावून पाहण्या आकाशी
निळ्या काळ्या ढगांची गर्दी झाली ।
तुझ्यातच एक व्हायचं म्हणून
सरही हलकेच धाऊन आली ।
तू आणि मी बस दोघंच आपण
रात्र पुनवेची चांदण्यात न्हाली ।
Sanjay R.
No comments:
Post a Comment