समर्थन

आनाचारी अविचारी
काही कु प्रथाही इथे ।
परंपरा असेल जरी
नकोच समर्थन तिथे ।
Sanjay R.

जुन्या त्या परंपरा

जुन्या जरी त्या परंपरा
नका हो तुम्ही सोडू ।
पूर्वजांचा तर तोच ठेवा
जीवनात तोही जोडू ।

प्रगतीलाही हवी साथ
त्यातूनच साधेल हीत ।
परंपरांचा करा आदर
होईल तुमचीच जित ।

पुढे पुढे जातानाही
वळून मागे थोडे बघा ।
सापडेल जीवनाचा अर्थ
सुख आनंदाने जगा ।
Sanjay R.

परंपरा

जीवनात हवा
परंपरेचा साज ।
आयुष्याला येतो
समृद्धीचा बाज ।
Sanjay R.

ओढली काळोखाची शाल

सूर्य येताच मावळतीला
नभही झालेत लाल ।
आकाशही झाले निवांत
ओढली काळोखाची शाल ।

व्रुक्ष वेलीही स्थिरावले
परतले पक्षी घरट्यात ।
वारा झाला शांत जरा
चांदण्या चमकल्या अंगणात ।

रात राणीस आला बहर
दरवळला सुगंध चोहीकडे ।
सुखावला चंद्र जरासा
हळूच हसला बघून धरेकडे ।
Sanjay R.

शब्दांची उकल

तुझ्या शब्दांची
होत नाही उकल ।
शोधतो अर्थ सारे
घेतो शब्दांची दखल ।

सांगून जातात कधी
शब्द शब्दांचाच अर्थ ।
कळते मग मलाही
प्रयास सारेच ते व्यर्थ ।

सांगू कुणास मी कसे
मनात आहे ऐक आशा ।
शब्द हवा मज एक
नको त्यातून निराशा ।
Sanjay R.