निळ्या आकाशाचे गाणे
भरून आभाळाचे येणे ।
रिमझिम पावसाचे देणे
भरून पाटाचे वाहणे ।
शेतात मग होई लगबग
पेरायचे दोन दोन दाणे ।
फुटे अंकुर दाण्याला
त्यात उत्साहाचे जिणे ।
चक्र हेच या जीवनाचे
गाऊ आयुष्याचे गाणे ।
Sanjay Ronghe
प्रेम कुठे अबोल असते
खूप काही ते बोलून जाते
हृदयाशी हृदय जोडून जाते
हितगुज मनाशी करून जाते
दोन मनं मिळतील जेव्हा
बंध आपसात जोडून जाते
एक दुसऱ्यात नसेल जरी नाते
प्रेमच प्रेमाला मिठीत घेते
जगावेगळी रीत ही प्रेमाची
अंतरात कशी फुलून जाते
Sanjay R.