गरिबाला असतात कष्ट
सारेच कसे रे इथे दुष्ट ।
देवा मजवर का रे तू रुष्ट
सारेच तर इथे आहेत भ्रष्ट।
अन्नाचा काय महिमा
कुणी उपाशी
तर कुणी धष्टपुष्ट ।
नशीब माझेच का असे
उपसतो नुसतेच कष्ट ।
गरिबीचा कलंक माथी
स्वप्न झालीत लुप्त ।
देवा.....
नसेल मार्ग कुठलाच तर
टाक ना करून मला नष्ट ।
Sanjay R.
चाले मनात ध्यास
गुरू माझा श्वास ।
ज्ञानी करून सोडिले
जीवनी तेचि प्रयास ।
गुरू विना मार्ग हा
असता गेला लयास ।
महिमा गुरूंची माझ्या
जाहले जीवन खास ।
अर्पितो चरणी गुरूंच्या
श्रद्धेची मी आरास ।
Sanjay R.
काऊन का भाऊ यंदा
मारली पावसानं दांडी ।
मिरवत लय होती आता
गेली उडून माही झंडी ।
पै पै जोडून , दागिना मोडून
केली जमा म्या रकम ।
हात पाय जोडून आन
कर्ज काढून घेतलं बियानं ।
कसं होईन आता सांगा
सावकार बसन का बोकांडी ।
तयारी लेकीच्या लग्नाची
पर होईन उलार बंडी ।
पावसाचं भाऊ आता
रायलं न्हाई खरं ।
मेलो गिलो ना बावा
त टाकजा एक दोन हारं ।
Sanjay R.
होईल का घोषित दुष्काळ
जाईल निघून पावसाळा ।
झाले कुठे पाणीच पाणी
कुठे अजूनही सूर्याच्या झळा ।
गेले वाहून शेत कुठे तर
गेला वाळून कुठे मळा ।
झाले अनिश्चित सारेच आता
दूर नाही तो दिवस काळा ।
Sanjay R.
रूप कुणाचे
गुण कुणाचा
काय रे तू भाऊ ।
तुझ्या पेक्षा
सुंदर आमचा
काव काव काऊ ।
सारेगम गातो कसा
ना आवाज
ना तुला सूर ।
कोकीळ गाते
कुहू कुहू
तूच रे बेसूर ।
चिव चिव चिमणी
साद देऊनी
भुर्रकन उडे ।
डाव साधतो
कसा रे तू
करतो पुढे पुढे ।
हिरवा पोपट
पांढरे कबुतर
सारेच किती छान ।
जंगल झाडे
सरले आता
काय करू तुझे ज्ञान ।
लाव ना रे तू
एक एक झाड
नको करू उजाड ।
पडेल पाऊस
हिरवी सृष्टी
नदी नाले पहाड ।
Sanjay R.
