वाट मनाची वेडी वाकडी
आहे किती ती अवघड ।
निघतो चालाया मी जेव्हा
होते जीवाची तडफड ।
एक एक पाऊल ठेवता
होते किती ती पडझड ।
चाललो उठून मी परत
करे छाती मग धडधड ।
गेली जाळून सारी स्वप्न
आता उरली फक्त राखड ।
उचलाया नाही कोणी
देईल हवाच तिला पाखड ।
Sanjay R.
जेव्हा मी ना
बघतो तुझ्या डोळ्यात ।
थांबतो श्वास
मधेच माझ्या गळ्यात ।
ठेवतो तुझी छबी
मग मी माझ्या डोळ्यात ।
बघतो मिटून डोळे
तुलाच मी माझ्या स्वप्नात ।
Sanjay R.
उन्हाचा जोर बघा
कमी झाला थोडा ।
आभाळानं वेढलं
सावलीचा सडा ।
बरं वाटत जरा
नाही सूर्याचा तिढा ।
गर्मी पाई तर होतो
माणूस चिडचिडा ।
Sanjay R.
तू आहेस माझ्या
मनातला भाव ।
मनाची माझ्या
तुझ्याकडे धाव ।
नको करुस तू
मनावर माझ्या घाव ।
ये ना सखे जवळ
प्रेमाला माझ्या प्रेम तू लाव ।
Sanjay R.
स्वप्नात तू देतेस साद
मिटले असतात डोळे तेव्हा ।
वाट तुझीच बघतो मी
सांग ना मज तू येशील केव्हा ।
भरून गेले काळीज माझे
आठवणींना सांग ठेऊ कुठे ।
नजरेला माझ्या आस तुझी ग
तुझ्याच साठी हे हृदय तुटे ।
Sanjay R.
