लंगड्या गायीत वासरू शायन
घेतला लिचोंडा का मनते
आई याले पायान ।
-------------------------------------------
शाना लय बापू
हुशारी दावते
लंगडा असूनबी दुडु दुडु धावते ।
-------------------------------------------
हुषार लय भारी मलेबी कयते
हुशारी पाऊन त्याची
मन मालं जयते ।
--------------------------------------------
छटाकभर लेकाचा
देते निसत्या धवसा आनं
जयुन जयुन पहा झाला कोयसा ।
Sanjay R.
सुंदर किती रे राजा
स्वप्नातले जग माझ्या
शृंगार निसर्गाचा
मनमोहक लावण्याचा
सळसळणारा वारा
चमचमणाऱ्या तारा
झुळझुळ वाहते पाणी
पाखरं गाती गाणी
सूर्याची प्रखरता
चंद्राची शीतलता
आवतरते ईंद्राघरची परी
सोबत पावसाच्या सरी
रुणझुण वाजे चाळ
करी मन घायाळ
Sanjay R.
जब रहता हु अकेला
याद तुम्हारी आती है ।
तस्वीर देखता तुम्हारी
फिर नजर सताती है ।
सफर यह जिंदागिका
हम और तुम साथी है ।
Sanjay R.
चार भिंतींना खिडकी आणी दार
आत थाटलेला स्वप्नांचा संसार ।
नात्याला असेल नात्याचा आधार
घराला मिळेल भावनांचा शेजार ।
Sanjay R.
मिळुन स्वातंत्र्य आम्हास
झालो स्वतंत्र आम्ही जरी ।
मोजू नका हो दिवस
लोटलेत वर्ष कितीतरी ।
करुनी संशोधन अपार
पोचलो आम्ही मंगळा वरी ।
तरी लक्ष कुणाचे आहे
जगतो पारतंत्र्यात शेतकरी ।
रात्रंदिवस मरेस्तो राबतो
एकही दाना नाही घरी ।
वाट पाहतो चातक होऊन
पडतील कधी पावसाच्या सरी ।
बी बियाणे खते औषधे
होतो असाच कर्जबाजारी ।
एकच पाऊस देतो धोका
गाळून पडते मेहेनत सारी ।
कुणास काय जगतो कसा
किंमत शून्य आहे सरकारी ।
घेऊन गळफास लटकतो जेव्हा
करता करविता तोच हरी ।
Sanjay R.
