खरच का विसरलो
आम्ही हसणं ।
आपलसं केलय
तणावात असणं ।
प्रगतीच्या वाटेवर
का नुसतच जगणं ।
कपाळावर आठ्या
आणी विचारात फसणं ।
जगाच्या यादीत
कुठेच नसणं ।
चिंताच सार्या आणी
श्वास ढकलणं ।
कुठवर चालायचं
खोलात रुतणं ।
द्याना कोणी
हास्य उसणं ।
नाहीतर होइल
असुन नसणं ।
Sanjay R.
तुटला संसार
मोडले घर ।
सारे जिवन
झाले अधर ।
पाणावलेले डोळे
झुकली नजर ।
त्राण सरले
मनात थरथर ।
टेकले हात
झुकले अंबर ।
वय वर्ष
झाले शंभर ।
जगलो वाचलो
कुणास कदर ।
नाही उरला
शेला पदर ।
नाती गोती
मायेची पाखरं ।
नको कुणालाच
घरात म्हातारं ।
इच्छाच सरल्या
नको वाटतं सारं ।
वेध लागले आता
जायचे वर ।
Sanjay R.
अनंताच्या प्रवासात
सारेच आहेत सोबतीला ।
मार्ग क्रमण करता करता
टेकला रवी क्षितीजाला ।
सोपवुनी साम्राज्य चंद्रासी
चालला सुर्य अस्ताला ।
होइल रजनी सम्राज्ञी
चांदण्या तिच्या दिमतीला ।
खेळ स्वप्नांचा परत एकदा
होइल प्रदक्षीणा विश्वाला ।
Sanjay R.
रीम झीम रीम झीम
पावसाच्या धारा ।
सोबतीला आहे
सोसाट्याचा वारा ।
गडगडतं आभाळ
लखलखाट सारा ।
गव्हाच्या पिकाला
बसलाय मारा ।
शेकर्याची व्यथा
नाही उरणार थारा ।
Sanjay R.
हास्याची एक कोर
नजरेत तीर ।
मनात आहेस तु
झालो मी अधीर ।
असच असतं का
प्रेमाचं नातं ।
मनाच्या देव्हार्यात
जळती वातं ।
प्रेम आहे अनोखा
चमचमता तारा ।
मनास सुखावणारा
हलकाच वारा ।
प्रेम आहे श्वास
नाही नुसता भास ।
कोपर्यात मनाच्या
अखंड चाले ध्यास ।
Sanjay R.
