राजाची राणी

कळेना मजला
कोण राजा कोण राणी ।
शोधूनही मिळेना
काही कशाची निशाणी ।
उरली फक्त आता
ती जुनी कहाणी ।
ऐकायलाही मिळेना
इथे बालक कोणी ।
मोबाईल मधे सारे गुंग
येते डोळ्यात पाणी ।
Sanjay R.

राजा राणी

ऐक सुंदर कहाणी
त्यात राजा राणी ।
सगळे सुखी
नाही दुःखी कोणी ।
खूप पिके धान्य
मुबलक होते पाणी ।
संपन्न तिथले लोक
सोन्याच्याच खाणी ।
फिरले ग्रह सारे
लागला मागे शनी ।
ताटातूट झाली
कुठे राजा कुठे राणी ।
पडेना आता पाऊस
डोळ्यात भरले पाणी ।
दुःख आणि दारिद्र्य
दिसे तीच निशाणी ।
Sanjay R.

भावनाहीन आयुष्य

उरल्याच कुठे भावना

आयुष्याचा झाला खेळ ।

मागे वळून बघणार नाही

सरली आता ती वेळ ।

आयुष्य गेले निघून

कुठे बसला कशाचा मेळ ।

क्षण आता उरलेत कमी

नको वाटतो सगळा छळ ।

अंतिम क्षणी एकच इच्छा

हे मजला थोडे बळ ।

पुसून टाकील आठवणी

मृत्यू तर आहेच अटळ ।

Sanjay R.

भावनांची झाली राख

उजाडले हे आयुष्य
भावनांची झाली राख ।
क्षण आता तो आला
नाही कुणा कुणाचा धाक ।

ओसाड पडली शहरे इथली
माणसांचा नाही कुठे पत्ता ।
जिकडे तिकडे आगीचे डोंब
काळया आभाळाची तिथे सत्ता ।

वर्चस्वाची ही लढाई
कोण मोठा कोण महान ।
मातीत मिळाले सारे काही
नाही उरले कुणास भान ।
Sanjay R.

नजरा इथे विषारी

नको बघू काही

नजरा इथे विषारी ।

नको बोलू काही

शब्दही इथे दुधारी ।

ठाऊक कुणास चव

विषाची नको परीक्षा ।

जो तो दिसे इथे

घेऊन जहरी दीक्षा ।

आभास असतो सारा

वाटे अमृताची धारा ।

बघूनच ठेवा पाऊल

नाही कळणार इशारा ।

Sanjay R.