खिडकी

अजूनही हवी खिडकी
बाहेर बघत बसायचे  ।
खिडकी बाजूची जागा
न मिळाल्यास रुसायचे ।
मिळता खिडकी बाजूला
गालात थोडे हसायचे ।
विरंगुळा होतो छान
आरामात बघत बसायचे ।
Sanjay R.

शुभेच्छा दिवाळीच्या

मनात किती इच्छा

बंद त्या खिडकीआड ।

होईना पूर्ण काहीच

वाटे तो मोठ्ठा पहाड ।

मिळे दिवाळीत सारे

पूर्ण होतात लाड ।

शुभेच्छा दिवाळीच्या

चला उडवू बॉम्ब झाड ।

Sanjay R.

खिडकी मनाची

खिडकी मनाची बंद
आतल्या आत धुंद ।
दरवळतो जेव्हा गंध
अनायास होते बेधुंद ।
लागतो मग एक छंद
होतात श्वास मंद ।
आस तुझी मनात
झालो आता अंध ।
नाव तुझे आणि माझे
होईल का येक संध ।
Sanjay R.

प्रवास जीवनाचा नाही सोपा

प्रवास जीवनाचा
नाही सोपा ।
अडथळे किती इथे
थोडे स्वतःला जपा ।

चार पावले चालता
टोचतो काटा ।
बदलायच्या कश्या
परत परत वाटा ।

कधी ऊन पाऊस
उध्वस्त करतो वारा ।
जगण्यावरही असतो
दुःखाचा पहारा ।

दुखःविना सुख कुठे
रोज होते पहाट ।
विसरून दुःख सारे
मांडायचा थाट ।
Sanjay R.

प्रहार

झेलू किती मी प्रहार
होतात किती वार ।
इकडे बघू की तिकडे
आहेत दिशा इथे चार ।
असह्य होते सारेच
सहन होईना मार ।
जड झाले सारे
उचलू कसा मी भार ।
जिकण्याचा विचार दूर
करतो स्वीकार हार ।
Sanjay R.