सौंदर्यवती तू सुंदरा
काय तुझी ही तऱ्हा ।
रूप अविस्मरणीय हे
हिरवी हिरवी धरा ।
रंगांची उधळण इथे
धुंद गन्ध घेतो फेरा ।
पक्षी गुणगूणती गाणे
वाटे मजला ती स्वरा ।
झुळझुळ वाहे पाणी
मेघ बरसतो जरा जरा ।
निळे निळे आकाश वर
लुकलुकती सूर्य चन्द्र तारा ।
Sanjay R.
काश्मीर चे सौंदर्य
अविस्मरणीयच आहे ।
स्वर्गाशी तुलना करता
संशय कुणास नाही ।
हिमालयाच्या रांगा
त्यावर बर्फ पांढरा ।
फुलांच्या बागा सुंदर
वारा थंड बोचरा ।
आकाशातून हिमवर्षा
निसर्ग वाटतो देखणा ।
भारताचे ते नंदनवन
वाटते जावे पुन्हां पुन्हा ।
Sanjay R.
एकाकी जगण्यात काय मजा
ती तर झाली मोठी सजा ।
नाही कुणी बोलायला
नाही काहिच बघायला ।
नजर दूर आकाशात
आणि विचार चले मनात ।
हसा हसवा मस्त जगा
एकांताचा फेका झगा ।
Sanjay R.
जीवनाचे हेच सत्य
एकटे यायचे एकटेच जायचे ।
आयुष्यभर खपून सारे
हवे नको ते जमवायचे ।
अनंत यात्रेला निघाल्यावर
इथेच सोडून सारे जायचे ।
लोभ मोह माया मत्सर
सगळेच सोबत बाळगायचे ।
आपलेही कधी जातात दूर
सांगा सोबत काय घ्यायचे ।
Sanjay R.
