मी हरणार आहे

नको लाऊस पैज तू
मीच तर हरणार आहे ।
जिंकलास तू जरी
एक दिवस जीवन सरणार आहे ।

जिंकलेस तू जग सारे
आयुष्य कुठे थांबणार आहे ।
जसा मिळाला जन्म तसा
अटळ तो मृत्यू येणार आहे ।
Sanjay R.

स्पर्धा

अविरत चाले हा प्रवास
आयुष्याचा वेळ त्यात अर्धा ।
थांबतो कोण कुणासाठी
इथे रोजच  तर असते स्पर्धा ।
Sanjay R.

इशारे

नको वाटते सारे
चुकवू किती पहारे ।
मन कुठे थांबते
देते सारखे इशारे ।
मोजता येईना कधी
आकाशातले तारे ।
स्पर्श करून जातात
अवखळ ते वारे ।
Sanjay R.

लढाई

पैज लागली जगण्याची
जिंकतो कोणी हरतो ।
लढता लढता एक दिवस
प्रत्येक स्पर्धक हरतो ।
असते लढाई सुरूच
कसा कोण कुठे सरतो ।
मधेच पलटते बाजी
जुना जाऊन नवा येतो ।
जवाबदारी माथ्यावरती
कास जीवनाची धरतो ।
Sanjay R.

नाते भाऊ बहिणीचे

नाते भावा बहिणीचे
बांधले एका धाग्याने ।
मायेचा ओलावा तिथे
बांधला आहे प्रेमाने ।
Sanjay R.