असू दे दोन टोके कशाची
जुळणार नाही रीत जगाची ।
मिळतील जिथे ती दोन टोके
तीच तर वाट असे प्रेमाची ।
Sanjay R.
Monday, July 4, 2022
वाट प्रेमाची
अंतर दोन पावलांचे
अंतर किती हे
फक्त दोन पावलांचे ।
पाऊल एक तुझे
दुसरे पाऊल माझे ।
नाही कुठे दुरावा
हवा कशाला पुरावा ।
मनाला तर हवा
मेळ भावनांचा ।
हृदय झाले एक
श्वास जीवनाचा ।
Sanjay R.
नाही आभास
तुझ्या आणि माझ्यात
असले जरी अंतर ।
मन झाले आहे एक
असते सोबत निरंतर ।
माझा आहेस तू श्वास
हृदयाचा तूच विश्वास ।
नाही कुठला आभास
सदा असतो तुझा ध्यास ।
Sanjay R.
Sunday, July 3, 2022
मैत्री
मित्र तर मित्रच असतो
कधी का तो शत्रू होतो ।
जीवाला लावतो जीव
प्राणास तो प्राणही देतो ।
सुख दुःखात असते साथ
संकट सारे डोक्यावर घेतो ।
मैत्रीला आहेच कुठे पर्याय
मैत्रीचा वसा अंतावरी नेतो ।
Sanjay R.
राधे राधे
कोण मित्र कोण शत्रू
ओळखणे नाही साधे ।
ओळख कशीच पटेना
येईल कोण असे मधे ।
राहून कुठे हो चालते
एकदमच असे साधे ।
जातो टोपी देऊन कोणी
म्हणतो मग राधे राधे ।
Sanjay R.
Subscribe to:
Posts (Atom)