शोधू नका आनंद
अंतरात तो लपलेला ।
कशात मिळतो तो
हवा थोडा शोधायला ।
छंदच असेल तो
सखा तो मन रमायला ।
आनंदा वीणा हवे काय
सुखी जीवन जगायला ।
Sanjay R.
Thursday, December 30, 2021
सुखी जीवन
सुगंध
कवितेचा छंद माझा
खुले मनातला बंध ।
शब्दांना देऊनी साज
फुलवतो त्यातून गंध ।
बघून दरवळ त्याचा
होतो मीही मग धुंद ।
प्रेम येते किती फुलून
काय त्याचा सुगंध ।
Sanjay R.
दुःखाच्या वाटेवर
दुःखाच्या वाटेवर ही
असतो थोडा आनंद ।
द्यायचा वेळ थोडा
पूर्ण करायचा छंद ।
डुंबून जायचे तयात
होऊनि सर्वस्वी धुंद ।
मन येते मग बाहेरून
दरवळतो कसा सुगंध ।
सारेच कसे येते जुळुनी
आणि तुटतात सारे बंध ।
Sanjay R.
छंद
छंद कुणाला कशाचा
तोची आनंद घ्यायचा ।
प्रफुल्लित होते मन
क्षण दुःख विसरायचा ।
लागे जीवाला आस
ध्यास काही करायचा ।
अभिमान वाटे मनास
मार्ग निघता सुखाचा ।
वेळ द्यायचा थोडासा
अर्थ लाभे जीवनाचा ।
Sanjay R.
Tuesday, December 28, 2021
मात
संसाराचा खेळ हा
जिंकणे कुठे यात ।
जीवनभर चाले खेळ
मिळे साऱ्यांची साथ ।
कधी हार कधी जित
त्यावरही करू मात ।
Sanjay R.
Subscribe to:
Posts (Atom)