मातीला देतो आकार
घडवितो घडा कुंभार ।
काय कुणावर उपकार
कोण मानतो आभार ।
चक्रासम फिरे विचार
होई घडा तिथे साकार ।
नाही कोणी लाचार
नाही कशाचा प्रचार ।
जीवन आहे निराकार
जगतो घेऊन सदाचार ।
स्वप्न आहे एक प्रकार
शोधतो त्यातच आधार ।
पाणी तृप्त करी क्षुधा
घड्याचा हा परोपकार ।
Sanjay R.
खाली जातोय पारा
आला गार गार वारा ।
आहे थंडीचा हा इशारा
गारठेल परिसर सारा ।
कराया दूर थंडीचा मारा
हवा रजईचा सहारा ।
पेटवून अंगणात शेकोटी
जीव आपुला तारा ।
गरम गरम कप एक चहा
देईल हो मग सहारा ।
Sanjay R.
मनात आहे एक
अनामिक भीती ।
थांबते तिथेच मग
विचारांची गती ।
होईल कुठली
किती ही क्षती ।
कळतच नाही या
माणसाची रीती ।
छळतो माणूसच
माणसास किती ।
गुन्हा कुणाचा
कुणाच्या हाती ।
मना मनांत रे
घडू दे ना प्रीती ।
देवा सारेच आहे
तुझ्याच हाती ।
Sanjay R.
