आलेत आज बाप्पा
मिरवणूक कुठेच नव्हती ।
आनंद मनात तोच
उत्साह पण सभोवती ।
काय रे तू कोरोना
घातली मनात भीती ।
बाप्पा सोबत नेतील
सांग थांबशील तू किती ।
घे मिरवून तू दिवस दहा
करू नकोस कुणाची क्षती ।
हरवलेत सारे स्वप्न
बघ दुनियेची काय गती ।
करा बाप्पा तुम्हीच काही
सारेच आहे तुमच्या हाती ।
Sanjay R.
" रिमझिम पाऊस "
झडच लावली या पावसाने
झाला सगळीकडे चिखल ।
वर आभाळ गच्च भरलेले
त्यात नाही सूर्याची दखल ।
साचले पाणी जागोजागी
नाही जिथे जागा सखल ।
रस्ते झालेत ताल तलाव
गड्डे त्यात किती खोल ।
Sanjay R.
" कर ना वो भजे "
झमझम झमझम
पाऊस पडून रायला
कर ना वो भजे
गया सुकून रायला ।
एकच हाये गिलास
जमवतो त्याले पयला ।
बाबुराव येतोच मने
होईन मंग नैला दैला ।
लय भिजलो पावसात
शर्ट न्हाई वायला ।
प्यांट त गच्च हाये वला
सुकून थोडा रायला ।
बसल्या जागी इचार यते
पिकन का न्हाई च्यायला ।
कर्जाचा डोंगर डोईवर
फिटन कसा मायला ।
जाऊ दे ना आता
इचार कहाले कराचा ।
चार चार भजे खाऊन
शिन सारा घालवाचा ।
Sanjay R.
धकाधकीच्या या जीवनात
हवा विरंगुळा काही क्षणाचा ।
येईल मन विसवून थोडे
आनंद किती या जीवनाचा ।
चाले सदा धावपळ किती
प्रश्न मोठा या पोटाचा ।
रक्ताचे होते पाणी आणि
पालथा डोंगर कष्टाचा ।
मैत्री नाते बंध किती हे
धागा कसा या जीवनाचा ।
अंत हे तर पूर्णच सत्य
विचार नकोच दुःखाचा ।
Sanjay R.
