लग्न नाही जुळत
आहे म्हणतात मंगळ ।
दोघानाही असेल तर
होते का मग चंगळ ।
पृथ्वी वर राहताय ना
दूर आहे हो मंगळ ।
वाजते का थंडी मग
करू नका आंघोळ ।
यान आले जाऊन
बघून आले मंगळ ।
शोध पाण्याचा सुरू
जीवनाची सळसळ ।
मात्र अजूनही शोधतो
मंगळाला मंगळ ।
नाहीच मिळाले तर
होते का हो अमंगळ ।
Sanjay R.
अंतराळात थोडे बघा
अति विशाल याचा आकार ।
नजर थांबेल पण
आकाश नाही सम्पणार ।
असंख्य ग्रह ताऱ्यांची
इथे आहे वस्ती ।
सगळे एकमेकात गुंफलेले
ढळला तो सरला ।
हा एकच सिद्धांत
आहे ठाऊक यांना ।
स्वतःच्या शक्तीनुसार
सतत भ्रमंती सुरू असते ।
प्रत्यकाला आपली
कक्षा आहे ठाऊक ।
कोणीच कक्षेच्या बाहेर
डोकावत नाही ।
आणि डोकावले तर
कपाळमोक्ष ठरलेला ।
पृथ्वी सूर्य चंद्र मंगळ
सारेच माळेतले मणी ।
मात्र इथे आम्ही
पृथ्वीवरचे ज्ञाणी ।
भक्तीवान काही
शक्तीवान काही ।
निर्बुद्ध काही तर
बुद्धिवान काही ।
मनात येईल तसे
आमच्याच मनाने वागतो ।
दिवस आणि रात्र
सांगेल तसे जगतो ।
मन भिर भिर
घाबरून थोडे बघतो ।
ज्ञानी जसे सांगतो
तसेच मग वागतो
मंगळाची दशा आणि
शनीचा राग टाळतो ।
पृथ्वी ला मात्र
मनात येईल तसे जळतो ।
स्वतःच्याच हाताने
विध्वंस स्वतःचा करतो ।
करून विनाश स्वतःचा
अनंतात मग विसावतो ।
Sanjay R.
फेल झाले
सरकारचे डाव ।
आता भेटन का
कापसाले भाव ।
एकोपा सरला,
मिटलं नाव ।
पेटून उठला ना
समदा गाव ।
सांगा ना भाऊ
आता कोनी ।
घरातले वांधे
कोनाले सांगाव ।
कफल्लक झालो
महागाई पाई ।
न्हाई खाले,
घर कसं चालवाव ।
Sanjay R.
विचार वयाचा कशाला
आनंद हवा जगायला ।
एक एक श्वासा सोबत
हवा उत्साह हसायला ।
मुखवटा सुंदर करायचा
इतरांना छान दिसायला ।
अंत तर निर्विवाद सत्य
वेळच कुठे विचार करायला ।
Sanjay R.
रे बळीराजा…..
सहनशक्ती तुही सांग
किती हाये रे अपार ।
कयनार न्हाई कधीच तुले
थ्या चाकूची रे धार ।
न्हाइ ठाव, अजब रे
हाये हे सरकार ।
पोटावर तुह्या होते
किती किती रे वार ।
सांग तूच आता तुले
हाये कोनाचा आधार ।
किती रे झेलशीन तू
हे अशे परहार ।
काया मातीत राबतो
न्हाई तुले दिस वार।
घरात जगतेत किती
सांग किती तुहा भार ।
पै पै लागे मातीत
घेते पाऊसच इसार।
सावकारापुढ कसा
होतो रे तू लाचार ।
तिसरा मधीच कोनी येते
करते तुह्या व्यापार ।
खिसा घेते हिसकुन
आनं सरतेत ईचार ।
सांग ठनकावून जरा
तूच जगवतो सारा भार ।
नको रे सोसू असा
एकटाच सारे वार ।
फेक फंदा फाशीचा
दे घराले तू आधार ।
टाक उलटून आता
सरकारचा ह्या दरबार ।
जयुन तू रे जयनार किती
राखे ईना काय उरनार ।
टाक जायुन तू आता
पडू दे त्यांयचेच निखार ।
संजय रोंघे,
नागपूर .
मोबाईल : 8380074730
