चालली ढगांची
नुसती गडगड ।
वाढली छातीत
कशी धडधड ।
बंद बघा झाली
साऱ्यांची बडबड ।
सगळीकडे शांतता
वाऱ्याची सळसळ ।
थेंब पावसाचे
करताहेत तडतड ।
मनात चुकचुकली
पालीची फडफड ।
कोसळली का वीज
झाली तडफड ।
जोर वाढला पावसाचा
घडा भरू दे घडघड ।
देवा शेतं पिकू दे
आभाळ भर ।
शेतकरी राजाला
आता सुखी कर ।
Sanjay R.
दिवस आलेत पावसाचे
मनसोक्त त्यात भिजायचे ।
थेंब पाण्याचे मोजायचे
ढगांच्या खाली नाचायचे ।
चमचमत्या विजेला बघायचे
गडगडाट होता पाळायचे ।
कांदा भाजीचे बेत आखायचे
टाकून आलं चहा प्यायचे ।
घेऊन छत्री बाहेर निघायचे
पावसाच्या रंगाला थोडे बघायचे ।
सर्दी खोकल्याला थोडे जपायचे
डॉक्टर ला दूरच ठेवायचे ।
पावसाला एन्जॉय करायचे
आनंदाच्या सोहळ्यात फुलायचे ।
Sanjay R.
बघता बघता आज पाऊस आला
उष्ण वारा गार झाला ।
थोड्याच वेळात पावर गेला
सगळीकडे अंधार झाला ।
ढगांचाही गडगडाट झाला
आनंद सगळ्यांना अफाट झाला ।
नभा आड सूर्य बाद झाला
झाडा झुडपात ही प्राण आला ।
Sanjay R.
फक्त एकदा
वळुन थोडं बघ तू ।
सुंदर हे आकाश
त्यातलाच एक ढग तू ।
आसुसले सारेच इथे
दे एक थेंब तू ।
फुलेल हसेल धारा सारी
बदल सारे जीवन तू ।
थेंबे थेंबे साचेल तळे
सागराचा कण तू ।
वाऱ्या सांगे बरस थोडा
ओल्या मातीचा सुगंध तू ।
Sanjay R.
सहजच सरळ जाता जाता
तिरक्या नजरेनं बाजूला बघायचं
कोण बघतेय आपल्याला
जाणुन थोडं फुलायचं ।
सहजच सरळ जाता जाता
खाली थोडं बघायचं
धोंडे माती रस्ता कसा तो
संभाळूनच थोडं चालायचं ।
सहज सरळ जाता जाता
वर आकाशात थोडं बघायचं
गर्दी ढगांची बघून
चालण्याच्या गतीला थोडं वाढवायचं ।
सहज सरळ जाता जाता
वळून मागे नाही बघायचं
भुतकाळ मागे सारा
पुढे अजून पुढेच बघायचं ।
सहज सरळ जाता जाता
विचारात नाही गुफटायच
भविष्याचा गढ उंचच उंच
शिखरावर जाऊन पोचायचं ।
Sanjay R.
