गुलाबी गुलाबी
गुलाबाच्या फुला ।
मनात काय माझ्या
कळले का तुला ।
रंग तुझा गंध तुझा
वेड लावले मला ।
सुंदर नाजूक तूच किती
सांग मजसी फुला ।
हवे हवेसे रूप बघूनी
मन माझे घेयी झुला ।
भिजु दे मज गंधात तुझ्यारे
गोड गुलाबी फुला ।
Sanjay R.
Monday, April 23, 2018
" गुलाबाच्या फुला "
Saturday, April 21, 2018
मामाचा गाव
उन्हायाच्या सुट्टीची
वाट पाहे सारे ।
मोजले जाओ आमी
मामाच्या गावाचे तारे ।
झुक झुक गाडीची
मजाच लय न्यारी ।
झाडा मांग झाड धावे
कवतिक वाटे भारी ।
रोजच होये पाहुनचार
आंब्याच्या रसाचा ।
मस्ती गोंधय मज्जा वाटे
खेल चाले चांदण्या मोजाचा ।
आजूनबी आठवते मले
थे लहानपणचे दिस ।
सारंच सरल आता
जीवनाचा झाला कीस ।
Sanjay R.
Thursday, April 19, 2018
वर्हाडी संमेलन
सांगू नका कोणी मले
कायच्या काई ।
जाच मले अकोल्याले
आता हाये घाई ।
वर्हाडी संमेलनाचा
हाये मोठा थाट ।
जोरात चालली तय्यारी
पाहत हावो वाट ।
एकोनतीस येते कवा
दिस रायलो मोजून ।
सारेच येतीन तेथ
सजून आन धजून ।
चाल बाबू बिगि बिगी
आटप सारे काम ।
तारीख आली जवळ
करू नको आराम ।
Sanjay R.
Tuesday, April 17, 2018
" डोळ्याला पाझर "
पोरगी माई बापु
हाये मायेचा सागर ।
समजलाच नाई मले
झाली कवा डगर ।
आजूनबी वाटते मले
लहानशीच थे हाये ।
दिसच किती झाले
नर्सरीत थे जाये ।
दिसा मागून दिस गेले
म्हणते मोठी मी झाली ।
कुकुलं न्हायी बाळ
तुमच्या खांद्यावरी आली ।
हट्टी भाय लहानपनी
कोपऱ्यात जाऊन बसे
पायजे थे भेटलं का
लय खुदू खुदू हासे ।
चिव चिव आवाज तिचा
घर भर चाले ।
पैंजण पायातले तिच्या
कसे झुन झुंन वाजे ।
मोठी झाली आता थे
शांत स्वभाव न मन मायाळू ।
आपलंस साऱ्यायले करणारी
हाये थोडीशी लाजाळू ।
लय मेहनती पर अभ्यासू
मोठ्ठं व्हायचे स्वप्न तिचे ।
सगळंच चांगला भेटलं मुन
उपकार मानते देवाचे ।
मायबापाची बी लाडी थेच
नसली थे का उदासी येते ।
उद्या कसं होईन चा इचार
डोळ्यायले मंग पाझर देते ।
Sanjay R.
Tuesday, April 10, 2018
" धुळ बिलगली मातीशी "
बदलले नक्षत्र आता
उन म्हणु की पाउस ।
घामाने भिजला देह
सरीत तु नको न्हाउस ।
गरजतात नभ आकाशी
वैर का कुणाचे सुर्याशी ।
धाप लागली धरेला
धुळ बिलगली मातीशी ।
दरवळला गंध मातीचा
पिवळी पाने झाली वेडी ।
तांडव करील सुर्य परतुन
होतील झाडं काडी काडी ।
Sanjay R.
Subscribe to:
Posts (Atom)