Saturday, September 30, 2023
Thursday, September 28, 2023
उनाड किती हा वारा
उडे केस भरभरा
उनाड किती हा वारा ।
सावरू कसे मी मज
पदर थांबेना जरा ।
का छळतोस सारखा
कुठला रे हा इशारा ।
वरून थेंब पडती
आल्या पावसाच्या धारा ।
अंगही हे झाले ओले
फुलला मनी पिसारा ।
थांबना तू रे जरासा
देई स्पर्श ही शहारा ।
संगे तुझ्या मी नाचते
टाक तोडून पहारा ।
झाले तुझीच आज मी
दे मजसी तू सहारा ।
Sanjay R.
चला घेऊ या निरोप आता
Saturday, September 16, 2023
सप्टेंबर 2023 कविता प्रकाशित
Wednesday, September 6, 2023
गुरू ज्ञानाचा सागर
' गुरू ज्ञानाचा सागर '
जडलो जो घडलो मी
झालो कसा हो ज्ञानी ।
गुरुजी तुमचीच कृपा
बनवले मज स्वाभिमानी ।
शब्दांची हो दिली ओळख
झाली मधुर आमची वाणी ।
गुरुजींचाच हात पाठीवर
नव्हते मागे तेव्हा कोणी ।
ज्ञानाचाही तुम्हीच सागर
थेंब थेंब पाजले पाणी ।
आहोत जे आता आम्ही
विसरू कशी ती कहाणी ।
ओढ असायची शाळेची
आठवण तुमची क्षणोक्षणी ।
गृहापाठाची शिक्षा तुमची
अनोख्याच त्या आठवणी ।
गुरू विना तर सारेच व्यर्थ
अज्ञानी तो काय जाणी ।
शतवार मी नमन करतो
आजन्म हो तुमचाच ऋणी ।
संजय रोंघे
मोबाईल - 8380074730