Saturday, June 4, 2022
जीव जडला तुझ्यात
चोर
सांग हृदयावर चालतो
का असा कुणाचा जोर ।
नकळतच होते चोरी
फुलतो मग मनात मोर ।
कालचाच तर मी होतो
साधा सरळ एक पोर ।
स्वप्न मनात होते एक
हवी वाटे चंद्राची कोर ।
हृदय माझे चोरलेस तू
पण झालो मीच थोर ।
शोधू कुठे मी आता
माझ्या हृदयाचा चोर ।
Friday, June 3, 2022
व्यक्ती तितक्या प्रवृत्ती
व्यक्ती तितक्या प्रवृत्ती
प्रत्येकाचे वेगळे तत्व ।
शोधू कुठे सांगा कसे
त्यातून हवे तेच सत्व ।
आतून एक बाहेर दुसरा
शोधणे कठीण गुण खरा ।
अंतराचा लागेना ठाव
कळते ती वेगळीच तऱ्हा ।
दिसण्यावर नका जाऊ
दिसते तसे ते नसते ।
फसवणूक झाली तर
जग आपल्यालाच हसते ।
Sanjay R.
Thursday, June 2, 2022
जीवनाचे काय झाले
काय काय घडून गेले
सारेच तर उडून गेले ।
जुना भूतकाळ झाला
सजमजून आता आले ।
वर्तमानात जगता जगता
विचार भविष्याचे आले ।
काय करू काय नको
दिवासा मागे दिवस गेले ।
अजूनही मी तिथेच उभा
बघा जीवनाचे काय झाले ।
Sanjay R.
Wednesday, June 1, 2022
अपूर्ण स्वप्न
स्वप्नांची तर एकच व्यथा
अपूर्णच असते ती कथा ।
जेव्हा जेव्हा मी बघतो स्वप्न
घडते उलटे नशीबाचाच ताता ।
मनात होते स्वप्नांचीच गाथा
सरते आयुष्य पाहता पाहता ।
अंत समयी मग कळते सारे
होतो माझा मीच विधाता ।
Sanjay R.