झाले गेले मी सोडू कसे
आठवणींना काढू कसे ।
डोळ्यात आसवांचा पूर
रुकेचना मी थांबवू कसे ।
मन माझे हे अधीर किती
आघात किती सोसू कसे ।
तुझ्या शब्दांचा हवा सहारा
तुझ्याविना मी राहू कसे ।
Sanjay R.
Tuesday, January 4, 2022
झाले गेले सोडू कसे
आसवांची कहाणी
आसवांची कहाणी
गाते दुःखाची गाणी ।
मुखावर दिसे हास्य
कळते कुणास वाणी ।
मुकाट्यानेच भोगतो
ऐकतो कोण गाऱ्हाणी ।
हृदयावर होतात घाव
अंतरात त्याची निशाणी ।
विचारांची होते राख
मनास कोण जाणी ।
नशिबाचे भोग सारे
येते डोळ्यात पाणी ।
Sanjay R.
Saturday, January 1, 2022
वाट पाहे राधा
वाट पाहे राधा
वृन्दावनात ।
आहे कुठे कृष्ण
बघा द्वारकेत ।
करी राधा ध्यास
मन मोहनात ।
दिसेना कन्हा कुठे
डोळ्यात बरसात ।
नटली किती राधा
सख्यासाठी खास ।
सख्यविना कशी
होईल रास ।
डोळ्यात आस
सदा होतो भास ।
येनारे तू कान्हा
थांबतील श्वास ।
Sanjay R.
Friday, December 31, 2021
निरोप
जाणाऱ्याला देऊ निरोप
येणाऱ्याचे करू स्वागत ।
झाले किती गेले किती
हिशोब झाला जागत ।
नव्या दिशा नव्या आशा
चला करू पूर्ण मनोगत ।
मार्ग हा या जीवनाचा
बसू नका हो बघत ।
चला पुढे जाऊ चला
नववर्षाचे करू स्वागत ।
Sanjay R.
Thursday, December 30, 2021
काट्याने निघतो काटा
काट्याने निघतो काटा
चालल्याने मिळे वाटा ।
नसेल द्यायचे उत्तर तर
विषयालाच द्यायचा फाटा ।
असेल जर मनात तर
दुकान तिथेच थाटा ।
विचार नका करु हो
नफा हो नाही तर तोटा ।
Sanjay R.
Subscribe to:
Posts (Atom)