Monday, October 4, 2021
मी असा प्रामाणिक
किती असावे सांगा
मी असा प्रामाणिक ।
आजवर मिळाली मज
हीच तर शिकवणूक ।
प्रयत्नांची पराकाष्टा
आणि तशीच वागणूक ।
हाती मिळते मात्र मज
का हो अशी फसवणूक ।
जो तो लुबाडतो मला
कशी करू मी जपवणूक ।
निसर्गही नाही सोबत
मग होते मनात धकधुक ।
विश्वास करू मी कुणाचा
देवही नाही करत सोडवणूक ।
नशिबाची दोरीच कच्ची
बळी मी हीच माझी हो चूक ।
Sanjay R.
Sunday, October 3, 2021
" आठवण "
तुझे माझे जुळले नाते
मन मनातच गाणे गाते ।
प्रश्न पडतो पुढ्यात माझ्या
सांग मला हे असे का होते ।
करतो मी विचार जेव्हा
मनच माझे हरवून जाते ।
गुंतून जातो तयात मी मग ।
सांग मला हे असे का होते ।
सदा घेतो मी साद तुझीच
का तुला ते कळून येते ।
तुझ्याविना अस्तित्व काय
सांग मला हे असे का होते ।
हाल माझे हे असे बहाल
का तुझीच आठवण होते ।
नेत्र लागले तुझ्या वाटेवर
सांग मला तू केव्हा येते ।
Sanjay R.
" निर्धार "
नसे काहीच कठीण
असता मनात निर्धार ।
मिळते बळ आपोआप
स्वप्नही होतेच साकार ।
साथ मिळते नकळत
फक्त मानायचे आभार ।
मनातले सारे घडते
घेऊन थोडासा आधार ।
Sanjay R.
" डोंगर दुर्गम "
अपेक्षांचा डोंगर दुर्गम
वाटही चढाया नाही तिथे ।
ध्येय मात्र वर चढण्याचे
बघू कशाला कोण कुठे ।
सूर्यकिरणे कुठे लपली
अंधाराचा आभास तिथे ।
ध्येय होते मनात एकच
पोहोचलो शिखरा मी तिथे ।
Sanjay R.
Subscribe to:
Posts (Atom)