" डोंगर दुर्गम "

अपेक्षांचा डोंगर दुर्गम

वाटही चढाया नाही तिथे ।

ध्येय मात्र वर चढण्याचे

बघू कशाला कोण कुठे ।

सूर्यकिरणे कुठे लपली

अंधाराचा आभास तिथे ।

ध्येय होते मनात एकच

पोहोचलो शिखरा मी तिथे ।

Sanjay R.

" बापूंची ती खादी "

यादच नाही राहात 

करु कशाची यादी ।

देशासाठी लढले किती

असतो त्याच नादी ।

फाटका घालतो सदरा

परी बापूंची ती खादी ।

पाळतो अहिंसेचे व्रत

सांगून गेली दादी ।

रघुपतीचे गातो भजन

झोपायच्या मी आधी ।

भुमीवर टाकतो अंग

कुठे कशाची गादी ।

याद करतो बापूंना

 राहणी माझी साधी ।

भारतमातेचा पुत्र मी

नमन करतो आधी ।

Sanjay R.

" करायचे किती कष्ट "

करायचे किती काम
झेलयचे किती कष्ट ।
निष्फळ होते सारे
फायदा घेतो दुष्ट ।

चोर लबाड तो
झाला किती पुष्ट ।
नशिबाचा फेरा सारा

पदरात पडते उष्ट ।
नकोच वाटे जगणे
यमही आता रुष्ट ।
Sanjay R.

" तुझी एकच हरकत "

तुझी एकच हरकत
मला सुखावून गेली ।
तहान भूक हरपली
चोरून नजर तू नेली ।

बघतोच कुठे आता मी
असते तूच डोळ्यापुढे ।
मनही असतं धावत
मी मागे नि तू असते पुढे ।

हळुच गालात तुझं हसणं
नि तिरक्या नेत्राने बघणं ।
हृदय धडधडतं मग माझं
जणू थांबलं माझं जगणं ।

मनही उरलं कुठे माझं
वाटतं तेही तुझं झालं ।
तुझ्याविना नको काहीच
मज सांगना हे कसं झालं ।
Sanjay R.

" हवी कशाला परवानगी "

माझा तर मीच राजा

हवी कशाला परवानगी

बघतो सारे डोळ्यांनी

आहे मनात दिवानगी ।

थबकतात पाऊले कधी

पाहून करामत निसर्गाची ।

फिटते पारणे मग मनाचे

नसते सीमा आनंदाची ।

दुःखाचीही नाही कमी

त्यातच कशास थांबायचे ।

जीवन हे अनमोल किती

बघून पुढेच आहे जगायचे ।

Sanjay R.