भूत संशयाचे मनी
जसा मागे लागे शनी ।
बंध नात्याचे तुटती
झरते डोळ्यात पानी ।
नको विचार कसले
हवी मधाळ वाणी ।
हवे सुखाचे तरंग
गाऊ आनंदाची गाणी ।
हसत सदा असावे
ही जीवनाची कहाणी ।
Sanjay R.
Sunday, September 5, 2021
Saturday, September 4, 2021
" अंतरात कुठला भाव "
अंतरात कुठला भाव
करी मनावर घाव ।
कुणा म्हणू मी आपला
आहेत सारेच साव ।
नाही जाण कशाची
नाही कुणास ठाव ।
ओळख कुठे कुणाची
नाही कुणास नाव ।
सर्व सोडिले तुझ्यावर
देवा तूच मजला पाव ।
Sanjay R.
Friday, September 3, 2021
" विसरू कसे मी सांग "
विसरू कसे मी सांग
कसे फेडील मी पांग ।
उपकार तुझे मजवर
मोजू किती मी सांग ।
पडेल जन्म हा अपुरा
नाही ही भरणार रांग ।
सोडू कसे मी तुजला
प्रेम तुझेची अथांग ।
आईविना लेक पोरका
विसरेल कसा मी सांग ।
Sanjay R.
Thursday, September 2, 2021
" गूढ अंतराचे "
गूढ अंतराचे कळेना
अडकले मन वळेना ।
मनात विचार किती
कधी कशाशी जुळेना ।
क्षणात बदलते कसे
कधी कुणास छळेना ।
करतो मी सहन सारे
भोग नशिबाचे टळेना ।
Sanjay R.
Wednesday, September 1, 2021
" सांगा काय करायचं "
झालं ते आता विसरायचं
रुसणं फुगण सोडायचं ।
गालात थोडं हसायचं
पुन्हा नाही रुसायचं ।
मागे कशाला वळायचं
पुढचंच सारं बघायचं ।
मार्ग हा कुठे सरतो
अजून बरंच चालायचं ।
करणार काय आता
नाही मनात ठेवायचं ।
घेऊ वाटून सुख दुःख
हसत हसत जगायचं ।
जेव्हा येईल वेळ तेव्हा
बघू ना काय करायचं ।
टाळलं कुणाला मरण
त्यालाही आहे थकवायचं ।
Sanjay R.
Subscribe to:
Posts (Atom)