" लोभस हास्य "

लोभस असते हास्य

आवडणार कसे नाही ।

डोळ्यात ती चमक

सांगती ते बरेच काही ।

ओढ मनात अशी

शोधी दिशा दाही ।

होता ताटातूट जरा 

होते हृदयाची लाही ।

कळे अवस्था मनाची

पुकारते माही माही ।

Sanjay R.

" आला बहर संगीताला "

आला भावनांना पूर

लागला लयीत सूर ।

गीत सजले प्रेमाचे

नाद स्वर कुठे दूर ।

झंकारली विना जशी

तबल्याने दिली थाप ।

रुणझुणले घुंगरू आणी

सुरांनी घेतला आलाप ।

थय थय धिन धिन 

उठले सुरांचे तरंग ।

स्वरांची ती जुगलबंदी

मैफिलीस आला रंग ।

आला बहर संगीताला

धुंद झाले सारे नाद ।

तृप्त होऊनि रसिकजन  

गेले देऊन आपुली दाद ।

Sanjay R.

जाणार कुठे सोडून

जाणार कुठे सोडून सांग
मनात तर मीच असेल ।

दूर जरी जाशील ना तू
सांग जरा मी कुठे नसेल ।

विचारात मी आचारात मी

स्वप्नात ही तर मीच दिसेल ।

नकोच आता विचार कशाचा
सुख दुःख तर तसेच असेल ।
Sanjay R.

नाही कशालाच अर्थ

मनात अगणित विचार

नाही कशालाच अर्थ ।

करता विचार जरासा

नकळतच होते व्यर्थ ।

मार्ग जीवनाचा खडतर

ठिकठिकाणी दिसे स्वार्थ ।

हात दोन्ही जोडुनिया

करतात किती परमार्थ ।

अंतिम क्षणी कळते मग

होता त्यातही स्वार्थ ।

Sanjay R.

" दरी खोल अपयशाची "

दरी खोल किती
ही अपयशाची ।
नशिबात तीच
सोबत जीवनाची ।

पडतो उठतो
परत पडतो ।
पंख कुठे मज
तिथेच अडतो ।

किती अंधार तिथे

नाही प्रकाश ।
शोधतो एक किरण
दुर्गती आयुष्याची ।
Sanjay R.