उशिरा का होईना पण
झाले सारेच सुरळीत ।
होती किती हो चिंता
सगळेच होते काळजीत ।
लग्न जुळेना किशोरचे
बघायचा मग तो शून्यात ।
सूर्याच्या किरणासोबत
किणकिणला फोन सुरात ।
आनंदी झाले वातावरण
हसले सारेच मग घरात ।
बातमी होती आनंदाची
येणार पाहुणी होती दारात ।
लग्न जुळले किशोरचे
बाकी उरली आता वरात ।
मग दिवस आला लग्नाचा
पण बंद सारे कोरोनात ।
घरी उदास झाले सारेच
मनच लागेना मग कशात ।
कशीबशी भरली एक गाडी
विसच जण होते लग्नात ।
नवी नवरी आली हो घरी
बघा किशोर किती आनंदात ।
मिटली सगळ्यांची काळजी
आणी जीव पडला भांड्यात ।
Sanjay R.
