" सळसळ सळसळ आला वारा "

सळसळ सळसळ आला वारा

सोबतीला आल्या पाऊस धारा ।

क्षणभर पावसात भिजली धरा

गधं मातीचा दरवळला जरा ।

जेव्हा आकाशात चमचमतो तारा

येता आभाळ लुप्त होतो तो सितारा ।

दडून ढगांच्या आड देतो तो पहारा

पडतो मग पाऊस समजून इशारा  ।

हसते कळी आणी फुलवते पिसारा

मन मोहून घेई  मग सारा नजारा ।

Sanjay R.

" पाऊस "

रिमझिम रिमझिम
हवा मज पाऊस ।
थांब ना रे ढगा
असा नको धाऊस ।
लहानपणापासुन तुझी
किती रे मला हाऊस ।
बघ डोळ्यात माझ्या
नजर नको लाऊस ।
घे मज मिठीत तुझ्या
असा नको पाहुस ।
भिजवना चिंब मला
दूर नको जाऊस ।
Sanjay R.

" चला फिरायला चांदण्यात "

चला फिरायला चांदण्यात

चमचम बघा किती गगनात ।

ओढ आम्हा चांदण्यांची किती

ठेऊन घेऊ दोनचार खिशात ।

तिकडे सप्तर्षी इकडे शुक्र तारा

बघा तारेच तारे आहेत किती

चंद्रही आहे साऱ्यांच्या मधात ।

रम्य मनोहारी किती हे दृश्य

फुले आनंद साऱ्यांच्या मनात ।

Sanjay R.

" आशेची पणती मिणमिणते "

आशेची पणती मिणमीणते
ओठ गीत जीवनाचे गुणगुणते ।

नाद कानात घुमघुमते
नेत्रही जागीच दिपदीपते ।

मन आतून फुलफुलते
आनंद मनातला  खुलखुलते ।

भावना अंतरात सळसळते
गाल सोबतीला खळखते ।

झंकारले सूर  सारे
मैफिल आयुष्याची रुणझुणते ।
Sanjay R.

" खंत आहे मनात "

खंत आहे एक मनात

वेळी अवेळी ती सलते ।

तू तिथे मी का दूर इथे

घेते धाव हे मन क्षणात ।

नाही थांबत ही आसवे

काय खुपले या डोळ्यात ।

शब्दही आता अपुरे

आहे हुंदकाही गळ्यात ।

करू कसे हे मन मोकळे

बघते तुला आकाशात ।

दूर तो दिसतो तारा

तूच असावा चांदण्यात ।

Sanjay R.