या हृदयात माझ्या
नाव तुझे मी
ठेवले कोंदूण ।
आठवण येता
श्वासही माझे
राहतात थांबून ।
चाहूल तुझी मज
लागते जेव्हा
नजर शोधते लांबून ।
तुझ्या विना तर
जीवन माझे
ठेऊ कुठे मी डांबून ।
ये ना सखे तू
जवळ माझ्या
बंध सारे तू लांघून ।
Sanjay R.
Thursday, March 11, 2021
" कोंदण "
" अल्लड तुझे वागणे "
अल्लड तुझे वागणे
लाघवी तुझे बोलणे ।
हवे वाटे मज हसणे
आवडे तुझे लाजणे ।
वेध घेई तुझे बघणे
मनात तुझ्यात रमणे ।
आतुर कान होती
अबोल तुझे बोलणे ।
मन किती सुखावते
मनात तुझेच असणे ।
Sanjay R.
" चमत्कार निसर्गाचा "
अनेक इथे बघा किती
चमत्कार या निसर्गाचे ।
वेगळा रंग वेगळा ढंग
रंग किती जीवनाचे ।
पाने फुले बहुरंगी किती
दर्शन दुर्लभ सृष्टीचे ।
पाऊस किती थंडी किती
हाल बहाल उन्हाळ्याचे ।
दिवस रात्रीचे चक्र कसे
चंद्र चांदणी आणि सूर्याचे ।
एकेक दिवस सरतो मागे
मंत्र सांगती जगण्याचे ।
आयुष्याचे दिवस किती हे
घेतो जगून सुख दुःखाचे ।
Sanjay R.
Monday, March 8, 2021
" मार्ग बचतीचा "
मंत्र बचतीचा आहे
किती हो कामाचा ।
कशाला हात सांगा
कुणापुढे पसरायचा ।
ऐकून मग नकार
भाव येई द्वेषाचा ।
नसतो भरवसा काही
मग त्या आवेशाचा ।
होऊन कर्जबाजारी
मार्ग वरचा धरायचा ।
आपल्याच हाताने
होतो प्लान मारायचा ।
उरतो परिवार मागे
प्रश्न असतो जगायचा ।
दुःख लागते मागे मग
विचार कुठला हसायचा ।
Sanjay R.
Subscribe to:
Posts (Atom)