" माझे मन "
माझ्या कविता - By Sanjay Ronghe
Sunday, February 28, 2021
" मनाचे समाधान "
धडपड सारी चाले
हवे मनाचे समाधान ।
जगायला काय हवे
विचारांचे आदान प्रदान ।
हवे थोडे ज्ञान विज्ञान
हवा थोडासा मान सन्मान ।
माझे माझे म्हणती किती
त्यातच वाटे त्यांना शान ।
लुटतो माणूस माणसाला
उरले कुठे माणुसकीचे भान ।
Sanjay R.
Saturday, February 27, 2021
" नको तो राग "
नको ते राग सांभाळणे
आहे कार्य कठीण फार ।
पायाखाली नसते जमीन
दूर जातात सारे आधार ।
मुखात असेल ताकत तर
होतो समोरचा मग गार ।
नाहीतर नक्कीच भेटेल
अंग फुटेस्तो पक्का मार ।
Sanjay R.
Friday, February 26, 2021
" मुलं मोठी होतांना "
मुलं मोठी होतांना
प्रश्न किती असतात ।
आई वडिलांना मात्र
मुलं नेहमीच छोटी दिसतात ।
लाड प्रेम कौतुक किती
मुलांना सारंच ते देतात ।
क्षणोक्षणी काळजी असते
सर्वस्व ते मुलांनाच देतात ।
हळूहळू होतात मुलं मोठी
पसरून पंख झेप ते दूर घेतात ।
विसरून आपली दुःख सारी
आईवडील मग्न कौतुकात ।
कधी सुख कधी दुःख
जाता जाता दिवस जातात ।
शेवटी मात्र आईवडील
मागे एकटेच मग उरतात ।
Sanjay R.
Wednesday, February 24, 2021
" कॉलेज "
असेल मी छोटासाच
शाळेत जायचा कंटाळा ।
पाटी पुस्तक दप्तर पेटी
गुरुजींचे नियम पाळा ।
कॉलेज वाल्यांचा वाटे हेवा
कुठले दप्तर कुठली शाळा ।
एका वहीत सारेच चाले
पिरेड नसायचे अनेक वेळा ।
शाळेसारखा नाही युनिफॉर्म
कॉलेज म्हणजे युवा मेळा ।
Sanjay R.
Tuesday, February 23, 2021
Appreciation
Appreciation for my writing....
Newer Posts
Older Posts
Home
Subscribe to:
Posts (Atom)