Wednesday, January 27, 2021
" हरवली माणुसकी "
शोधू कुठे मी सांगा आता
खरच का हरवली माणुसकी ।
अब्जावधीची संख्या इथे
कुणातच नसेल का आपुलकी ।
कालच तर घडले दिल्ली दर्शन
रिकाम्या डोक्याची रिकामी खोकी ।
माणूस माणसावरच चवताळून येतो
माणुसकीच तिथे पडते फिकी ।
म्हणतात कुणी मला काय त्याचे
करेल मरेल काय उरेल बाकी ।
उद्धवस्त होतेय जीवनच आता
आहे हीच अंतयात्रेची झाकी ।
Sanjay R.
Tuesday, January 26, 2021
Saturday, January 23, 2021
" अनोळख्या वाटा "
सगळ्याच वाटा इथे अनोळख्या
जायचे कुठे ते ठरलेच नाही ।
एक एक पाऊल पडते पुढे
आलो कुठे मी कळलेच नाही ।
लागलेत किती ते खाच खळगे
पडलो झडलो मोजलेच नाही ।
वणवण चाले ही पोटासाठी
अजून पोट ही भरलेच नाही ।
दशा मनाची दिशा जगण्याची
इच्छा कुणाचीच हरली नाही ।
Friday, January 22, 2021
" तुझा भास तुझाच ध्यास "
तुझाच ध्यास
तुझा आभास ।
जीवनात तूच
आहेस खास ।
तुझ्या विनातर
थांबेल श्वास ।
सोडू कसा मी
केलेत प्रयास ।
होतो मनाला
माझ्याच त्रास ।
छळतात मज
तुझेच भास ।
कळले का तुला
तूच आहे खास ।
सदैव मजला
तुझाच ध्यास ।
Sanjay R.
Thursday, January 21, 2021
" तू अजूनही आहेस "
तू अजूनही आहेस
मनात तिथेच माझ्या ।
विसरेल कसा मी
नजर वाटेवर तुझ्या ।
दुरूनच दिसताच तू
स्पंदने वाढतात हृदयाची ।
बोलावं तुझ्याशी शब्द दोन
इच्छा असते ही मनाची ।
केव्हा कशी तू दूर झाली
अजूनही ते कळले नाही ।
वाटतं,
कालच तर भेटलो होतो
आज अजून का आली नाही ।
वेडच असतं ना हे मन
प्रेमही त्याला वेडावतं ।
व्यथित होतं हृदय मात्र
आठवणीतच ते सुखवतं ।
Sanjay R.
Subscribe to:
Posts (Atom)