मनाने मी हा झालो तुझा
विचार असतो मनात तुझा ।
बंध म्हणू की ऋणानुबंध
आस मनाची आभास तुझा ।
चाले निरंतर एकच ध्यास
सांगते स्वप्नही निरोप तुझा ।
हसली रुसली मनात बसली
जगतो आठवत श्वासही तुझा ।
करू नको तू परका मजसी
हवा मजला सहवास तुझा ।
Sanjay R.
एका मागे एक सारे
जशी आहेत ही मेंढरं ।
नाही उरले विचार
डोक्यात भिनल वारं ।
प्रवाह नेईल जिकडे
वाहते तिकडे सारं ।
नाही कशाला आधार
जीवन झाले भार ।
बदलले किती आचार
उद्धवस्त सारे संसार ।
थांबतो कोण आता
झेलू सारेच प्रहार ।
Sanjay R.