92 वे अखिल भारतीय मराठी साहित्य संमेलन यवतमाळ 2019

92 वे अखिल भारतीय मराठी साहित्य संमेलन यवतमाळ येथे कवी कट्टा मंचावर कविता सादर करताना मी...

" ओलावते कडा माझ्या डोळ्यांची "

लेक तू ग माझी लाडाची
आहेस सावली झाडाची ।

तीळ तीळ झाली मोठी
जशी तुळस अंगणाची ।

फुलविले छान घर तुने
झालीस फुल तू वेलाची ।

होतीस तू लहान जेव्हा
दुडू दुडू कशी ग चालायची ।

क्षण आनंदाचे होते सारे
खुदु खुदु किती ग हसायची ।

वाटतं अजूनही आहेस तू छोटी
छकुली माझ्या तू स्वप्नांची ।

येईल तो दिवस जाशील दूर
ओलावते कडा माझ्या डोळ्यांची ।
Sanjay R.

" कसा रे बापू "

आस तुला रे कशाची बापू
राम कसा तू विसरला बापू
तू कलंकित केला बापू
विश्वसच उडाला बापू
नावात तुझ्या रे राम बापू
तुजविण रावण बरा बापू
Sanjay R.

" भारत माझा बदलला का "

वाटते भीती, तथ्य किती
कुणी कुणाला सांगेल का ?

एकोपा तर दिसतो अजूनही
अंतरातच तो हरला का ?

मीच म्हणतो, सारेच जाणतो
विश्वास खरंच सरला का ?

माणसा माणसात भेद कशाचा
विचारात तो फिरला का ?

शेजार्याला बघतो मी
त्रयस्थाला तो कळला का ?

सांगा मला जरा कुणी
भारत माझा बदलला का ?

नको नको ते विचार येतात
माझा मीच बदलला का ?
Sanjay R.

" किती ही थंडी "

किती ही थंडी
होते उलार बंडी ।
थरथरते अंग
गुल होते दांडी ।
वाटे प्यावा गरम चहा
पडतात रुपये दहा ।
लाकडं किती जाळायची
झाडं होताहेत स्वाहा ।
कडाका थंडीचा कसा
वाटे अति भारी ।
मी मी म्हणणारी बघा
कापताहेत सारी ।
नकोच वाटते थंडी
होते उलार बंडी ।
होत नाही सहन
दाखवा लाल झंडी ।
Sanjay R.