गुलाब तू मोगरा तू
चाहुकडेची आनंद ।
फुलली तू हसली तू
हवाही झाली बेधुंद ।
शिरलीस तू श्वासात जेव्हा
चढली नशा मंद मंद ।
मोहरले कण कण सारे
संग तुझ्या मी बेधुंद ।
मिठीत माझ्या येताच तू
तुटून गेले सारे बंध ।
गळून पडल्या पाकळ्या परी
भरला मनात सुगंध ।
Sanjay R.
खरंच वयानं थोडं थांबावं
परतून बालपण एकदा मिळावं ।
स्वप्नांनी थोडं मनाला छळावं
अंतराला थोडं सुख कळावं ।
आयुष्यानंही छान आनंदानं
परत परत मस्त जगून घ्यावं ।
दिवस संपले कि मग
शांत चित्तानं परत जावं ।
खरंच वयानं थोडं थांबावं
परतून बालपण एकदा मिळावं ।
Sanjay R.
दूर जायचे कुठे
ही वाट दूर जाते ।
एकटे चालतांना
मनी आठवण येते ।
ठाव मजसी आहे
वाट कोण पहाते ।
अर्धांगिनी घरी ती
अतूट तीचे नाते ।
लेकरं छोटी छोटी
आस कुणास शोधते ।
वाटेवरती डोळे सारे
अंतरात ही वाट जाते ।
दार घराचे तुझ्यारे
वाट तिथेच जाते ।
Sanjay R.
घोर नको लावू आता
जीवले माह्या ।
कवा पासून सांगतो
मनात काय माया ।
जवा जवा येते आठोन
चेरा दिसते तुया ।
मन महा धावते मंग
लागत न्हाइ डोया ।
चित्तच जाते निंगून आनं
छातीत खुपते सुया ।
Sanjay R.
अरे माझ्या मना
काय तूझा गुन्हा ।
स्वप्नात कधी तू
कधी विचारात ।
आनंदात कधी तर
कधी दुःखाच्या आवेगात ।
क्षणात इथे तर
क्षणातच रे तू कुठे ।
कधी असते तुला आस
तर कधी वाटे जीवन फास ।
कधी प्रेमाचा ध्यास
कधी शून्यात प्रवास ।
आहेस तू सखा खास
सुखद मज तुझा सहवास ।
रे मना नकोरे लावू हव्यास
निरंतर चालू दे श्वास ।
Sanjay R.
