" मोगरा फुलला परसात "

मोगरा फुलला परसात
सुगंध दरवळला अंगणात ।

भरला गंध कणा कणात
एक एक श्वास अंतरात ।

तनमन झुलले आनंदात
हरपले  प्राणही क्षणात ।

न उरलो मी माझ्यात
गुंतलो बघ मी तुझ्यात ।

काय ही जादु या मोगर्यात
बहरला कसा तुझ्यामाझ्यात ।
Sanjay R.

 

" सुई आणी दोरा "

काय सांगु मी दादा
नशीबाचा आहे हा फेरा ।

लावले जागोजागी ठिगळं
घेउन सुई आणी दोरा ।

नको तानुस तु जास्त
होइल उघडा  सारा पसारा ।

नाही सरणार दुःख माझी
नियतीचा हाच इशारा ।

काळ्या अंधारात शोधतो मी
माझ्या मनातला तारा ।

देवा उगवतीच्या सुर्या संगे
होवु दे जिवनात प्रकाश सारा ।
Sanjay R.

 

" मोगरा फुलला "

मोगरा फुलला
गंधात भुलला ।
केसात गजरा
बेधुंद बहरला ।
सुगंधात श्वास
सर्वस्व हरपला ।
प्रिये तुझ्यात
जिव गुंतला ।
Sanjay R.

" पाण्यासाठी वणवण "

उन्हा तान्हात निघाले सारे
पाण्यासाठी वणवण ।
उन झोंबतय अंगाला
जळताहेत किती पायपण ।
पाणी पाणी जिव झाला
सरला आता थेंबपण ।
नद्या नाले विहीरी सारे
वाजताहेत कशे ठणठण ।
शोधु कुठे पाणी सांगा
नाही उरला अश्रुपण ।
Sanjay R.

" सतारीची तार "

छेडीता एक सतारीची तार
उठते स्वरांची झनकार ।
बहरती दिशा चार
दिमतीला आनंद अपार ।
Sanjay R.